ایف آئی اے سے ریکارڈ چوری کرنے کا الزام لگانے والے جھوٹے ہیں، مریم اورنگزیب

ویب ڈیسک

15th Apr, 2022. 06:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف آئی اے سے ریکارڈ چوری کرنے کا الزام لگانے والے جھوٹے ہیں، مریم اورنگزیب

مریم اورنگزیب نے کہا ہے کہ ایف آئی اے سے ریکارڈ چوری کرنے کا الزام لگانے والے جھوٹے ہیں۔

مسلم لیگ ن کی ترجمان مریم اورنگزیب نے کہا ہے کہ ملک پر 4 برس سے مسلط ٹولہ عوام کو بے وقوف بناتا رہا، عوام سے صرف اور صرف جھوٹ بولا گیا۔

انہوں نے کہا کہ ایف آئی اے سے ریکارڈ چوری کرنے کا الزام لگانے والے جھوٹے ہیں، ہم نے ریکارڈ چوری کرکے کیا کرنا ہے، ان کو جھوٹ بولتے ہوئے شرم آنی چاہیے۔

مریم اورنگزیب نے کہا ہے کہ ڈاکٹر رضوان ان کے دور حکومت میں چھٹی پر گئے تھے، تحریک انصاف نے انتقامی سیاست کے لیے نیب کو استعمال کیا، شہبازشریف کے خلاف جھوٹے مقدمات بنائے گئے۔

مسلم لیگ ن کی ترجمان نے کہا ہے کہ تحریک انصاف خود 4 سال ریکارڈ غائب کرتی رہی، جو ریکارڈ ہمارے حق میں ہوگا اس کو چوری کرنے کی ضرورت نہیں، کہا گیا گھڑی تحفے میں ملی اور ہم نے بیچ دی تو کیا ہوا، یہ لوگ ملک کے اثاثے بیچنے میں ملوث ہیں۔

انہوں نے کہا کہ آپ کو گھڑی، کفلنگ اورانگوٹھیاں ملیں، یہ تمام چیزیں 14 کروڑ مالیت کی تھیں، 2 کروڑ جمع کرائے گئے، کفلنگ ، گھڑی اور انگوٹھی انہوں نے 18کروڑ روپے میں فروخت کیں، ایک گولڈ پلیٹڈ کلاشنکوف بھی غائب ہے جو جلد بنی گالہ سے برآمد ہوگی۔