وزیراعظم شہباز شریف نے اسرائیل کی جانب سے مسجد الاقصیٰ پر حملے کی مذمت کی ہے۔

ہفتہ کو ایک ٹویٹ میں انہوں نے کہا کہ اسرائیل کی طرف سے تشدد میں اضافہ انسانی حقوق اور انسانی قوانین کی سنگین خلاف ورزی ہے۔

Condemnable raid on Al-Aqsa Mosque & escalation of violence by Israel in gross violation of HR & humanitarian laws. We stand in solidarity with the Palestinians. Time for international community to protect innocent Palestinian lives, and uphold international law & UN Charter.

Advertisement

— Shehbaz Sharif (@CMShehbaz) April 16, 2022

انہوں نے کہا کہ پاکستان فلسطینیوں کے ساتھ یکجہتی کے ساتھ کھڑا ہے۔

وزیر اعظم نے عالمی برادری پر زور دیا کہ وہ بے گناہ فلسطینیوں کی جانوں کا تحفظ کرے اور بین الاقوامی قانون اور اقوام متحدہ کے چارٹر کی پاسداری کرے۔

گزشتہ روز مسجد الاقصیٰ میں نمازیوں پر اسرائیلی پولیس کی جارحیت میں 152 فلسطینی زخمی ہوئے ہیں۔

مسجد الاقصیٰ کی انتظامیہ کے مطابق اسرائیلی پولیس سورج طلوع ہونے سے قبل زبردستی مسجد میں داخل ہوئی جس وقت ہزاروں فلسطینی نماز کے لیے مسجد میں موجود تھے۔ انتظامیہ کے مطابق مسجد کے ایک محافظ کی آنکھ میں ربڑ کی گولی ماری گئی ہے۔

رمضان کے مقدس مہینے کی وجہ سے مسجد الاقصیٰ میں نماز جمعہ کی ادائیگی کے لیے ہزاروں مسلمانوں کے جمع ہونے کی توقع کی جا رہی تھی۔

واضح رہے کہ مسجد الاقصیٰ مسلمانوں کا تیسرا مقدس ترین مقام ہے۔ پہاڑی پر تعمیر کی گئی یہ مسجد فلسطینیوں اور اسرائیل کے درمیان دہائیوں سے تنازع کا باعث بنی ہوئی ہے۔