وزیراعظم شہباز شریف نے برادر ملک قطر کے ساتھ دوطرفہ تعلقات کو مزید مضبوط اور گہرا کرنے کے لیے پاکستان کے عزم کا اظہار کیا ہے۔

ہفتہ کو اپنے الگ الگ بیانات میں انہوں نے قطر کے امیر شیخ تمیم بن حمد الثانی، نائب امیر شیخ عبداللہ بن حمد اور وزیراعظم خالد بن خلیفہ بن عبدالعزیز الثانی کا پاکستان کا وزیراعظم بننے پر تہنیتی پیغامات پر شکریہ ادا کیا۔

وزیراعظم شہبازشریف نے کہا کہ قطراور پاکستان بھائی ہیں جو اخوت، اسلامی بھائی چارے کے عظیم رشتوں میں بندھے ہیں۔

پاکستان کے وزیر اعظم نے کہا کہ قطر بڑی تعداد میں پاکستانیوں کا دوسرا گھر ہے، امیر قطر شیخ تمیم بن حمد نے پاکستان کی ہرمشکل اور آڑے وقت میں ذاتی دلچسپی لیتے ہوئے مدد کی ہے جس کی ہم بے حد قدر کرتے ہیں۔

وزیراعظم شہبازشریف نے کہا کہ مستقبل میں پاکستان اور قطر کے تعلقات کو نئی بلندیوں اور قربتوں سے ہمکنار کریں گے۔

ان کا کہنا تھا کہ قطر نے سستی ترین ایل این جی فراہم کرکے پاکستان کو روشن بنانے میں ناقابل فراموش مدد کی ہے۔

خیال رہے کہ قطر کے امیر قطر شیخ تمیم بن حماد آل ثانی اور نائب امیرشیخ عبداللہ بن حمد کی وزیراعظم شہبازشریف کو منصب سنبھالنے پرمبارکباد کے پیغامات بھیجے ہیں ۔

HH the Amir Sends Congratulation to Prime Minister of Pakistan for Taking the Oath of Office. #QNA pic.twitter.com/nZ6277DUJo

— Qatar News Agency (@QNAEnglish) April 15, 2022

اس کے علاوہ قطر کے وزیراعظم خالدبن خلیفہ بن عبد العزیز آل کی جانب سے بھی شہبازشریف کو منصب سنبھالنے پر مبارکباد دی گئی ہے۔