ڈپٹی سیکرٹری جنرل پاکستان مسلم لیگ (ن) عطااللہ تارڑ نے کہا ہے کہ ایک شخص نے صرف وزیر اعلیٰ بننے کے لیے پاکستان کا امیج داؤ پر لگا دیا۔

اپنے جاری کردہ بیان میں عطااللہ تارڑ نے کہا کہ یہ بدنیتی پر مبنی فیصلہ تھا الیکشن آگے کروانے کا، ہم اپیلیں کر رہے تھے کہ الیکشن کو وقتی طور ہر کروایا جائے۔

عطااللہ تارڑ نے کہا کہ میری اطلاعات ہیں کہ چوہدری پرویز الہی ایک دو بندے قتل کروانا چاہتے ہیں، اگر چیف جسٹس لاہور ہائیکورٹ نے نوٹس نہ لیا تو معاملات خراب ہوں گے۔

انہوں نے کہا کہ پرویز الہی اپنے سیکرٹری کو اشارے کر رہے تھے کہ آگے بڑو حملہ کرو، یہ دہشت گردی پر اتر آئے ہیں۔

ڈپٹی سیکرٹری کا کہنا تھا کہ یہ چاہتے ہیں کہ اسمبلی کے فلور پر لہو گرے جبکہ ہم پاکستان کی عوام کے سامنے عہد کرتے ہیں کم ایک پتہ نہیں توڑیں گے۔

عطااللہ تارڑ نے کہا کہ ہم پر امن رہیں گے، ہائیکورٹ کا آرڈر تھا امن امان برقرار رکھا جائے اور آج واضح ہو گیا کہ توڑ پھوڑ کس نے کی تھی۔

انہوں نے کہا کہ  پرویز الہی نے تین سال پریس کو اس اسمبلی میں جانے نہیں دیا، پرویز الہی ! نہ ایسے الیکشن لڑے جاتے ہیں نہ جیتے جاتے ہیں۔

عطااللہ تارڑ نے کہا کہ ہمارے پاس ایک سو اٹھانوے اور  انکے پاس ایک سو ستاسٹھ لوگ ہیں، ہم اس خون خرابے سے بچنا چاہتے ہیں کیونکہ پوری دنیا میں جب یہ تصاویر چلیں گی تو ہاکستان کا کیا امیج جائے گا۔

انہوں نے کہا کہ ایک شخص نے صرف وزیر اعلی بننے کے لیئے پاکستان کا امیج داؤ پر لگا دیا، ہمارے پس ہائیکورٹ کے دو آرڈر موجود ہیں ان پر عملدرامد نہیں ہو رہا۔

انہوں نے مزید کہا کہ پورے پاکستان نے دیکھا کہ انہوں نے کیا کیا، ان لوگوں کو فوری طور پر سسپینڈ کیا جائے۔