صدیوں سے، الجیزا کے اہرام، ان کی پراسرار خالی جگہوں اور خفیہ کمرے نے محققین کو حیران کر رکھا ہے کہ قدیم مصریوں نے جدید ٹیکنالوجی کے بغیر اس طرح کے متاثر کن ڈھانچے کیسے تیار کئے۔

ان کے حوالے سے سب سے زیادہ مبہم سوال یہ ہے کہ یہ تعمیرات کس طرح ایک دوسرے سے حیران کن طور سیدھ میں بنی ہیں۔

اگرچہ یہ تھوڑا سا ایک طرف جھکا ہوا ہے، مجموعی طور پر 138.8 میٹر (455 فٹ) عظیم اہرام آف الجیزا جسے خوفو کا عظیم اہرام بھی کہا جاتا ہے، کے چوکور اطراف کافی حد تک سیدھے ہیں، اور شمال جنوب مشرق مغرب میں بنیادی پوائنٹس کے ساتھ تقریباً بالکل ٹھیک جڑے ہوئے ہیں۔

ماہر آثار قدیمہ اور انجینئر گلین ڈیش نے 2017 میں شائع ہونے والی ایک تحقیق میں وضاحت کرت ہوئے بتایا کہ “خوفو کے عظیم اہرام کے معماروں نے عظیم یادگار کو چار منٹ کے آرک سے بہتر، یا ایک ڈگری کے پندرہویں حصے کی درستگی کے ساتھ مرکزی پوائنٹس کے ساتھ جوڑا۔”

درحقیقت، مصر کے تینوں بڑے اہرام، دو الجیزا میں اور ایک دہشور میں نمایاں طور پر کچھ اس طرح ایک سیدھ میں ہیں کہ آپ ڈرون، بلیو پرنٹس اور کمپیوٹرز کے بغیر دور سے انہیں ایک سیدھ میں نہیں دیکھ پائیں گے۔

ڈیش نے لکھا، “تینوں اہراموں میں ایک ہی طرح کی خرابی دکھائی دیتی ہے، انہیں کارڈنل پوائنٹس سے تھوڑا سا مخالف گھڑی کی سمت گھمایا گیا ہے۔”

اگرچہ بہت سے مفروضے موجود ہیں کہ انہوں نے یہ کیسے کیا۔ قطب ستارے کا استعمال کرتے ہوئے اہرام کو سیدھ میں لانا، یا سورج کے سایہ۔ لیکن یہ کبھی بھی مکمل طور پر واضح نہیں ہوا کہ یہ کیسے کام کرتے ہیں۔

ڈیش نے ایک اور آسان آئیڈیا پیش کیا۔ ان کے مطالعے نے تجویز کیا کہ تقریباً 4,500 سال پہلے مصری کامل سیدھ حاصل کرنے کے لئے موسم خزاں کے مساوات کو استعمال کر سکتے تھے۔

ایکوینوکس کو سال میں دو بار اس لمحے کے طور پر شمار کیا جاتا ہے جب زمین کے خط استوا کا طیارہ سورج کی ڈسک کے مرکز سے گزرتا ہے، اور دن اور رات کی لمبائی تقریباً برابر ہوتی ہے۔

اس سے پہلے ایکوینوکس پیمائش کو ممکنہ سیدھ کے طریقہ کار کے طور پر نظر انداز کیا گیا تھا، کیونکہ یہ فرض کیا گیا تھا کہ یہ کافی درستگی فراہم نہیں کرے گا۔

لیکن ڈیش کے کام نے gnomon نامی ایک چھڑی کا استعمال کرتے ہوئے یہ ظاہر کیا کہ ایک ایسا طریقہ ہے جس سے یہ کام کر سکتا تھا۔

اس کے لیے، ڈیش نے دراصل 2016 میں اپنا تجربہ کیا، جو  22 ستمبر 2016 میں موسم خزاں کے ایکوینوکس کے پہلے دن سے شروع ہوا، انہوں نے سایہ ڈالنے کے لیے ایک gnomon کا استعمال کیا۔

انہوں نے سائے کے نقطہ کو باقاعدہ وقفوں سے ٹریک کیا، پوائنٹس کا ایک ہموار خم بنا۔ اور دن کے اختتام پر، کھمبے کے گرد لپیٹے ہوئے تار کے ایک سخت ٹکڑے کے ساتھ، انہوں نے منحنی خطوط میں سے دو کو ملایا اور مشرق سے مغرب کی طرف چلنے والی تقریباً کامل لکیر بنائی۔

اسے ہندوستانی دائرے کا طریقہ بھی کہا جاتا ہے، اور آپ اسے ذیل میں عمل میں دیکھ سکتے ہیں:

ڈیس نے لکھا کہ “مساوات پر، سروے کرنے والے کو پتہ چلے گا کہ سائے کی نوک سیدھی لکیر میں مشرق سے مغرب تک چلتی ہے۔”

انہوں نے یہ بھی ظاہر کیا کہ غلطی تھوڑی سی  کاؤنٹر کلاک وائس ہے، جو کہ الجیزا میں خوفو ، خفری اہرام اور دہشور میں سرخ اہرام کی سیدھ میں پائی جانے والی معمولی غلطی سے ملتی جلتی ہے۔

یہ تجربہ کنیکٹیکٹ، امریکہ میں کیا گیا تھا، لیکن ڈیش نے کہا کہ یہی چیز مصر میں بھی کام کرے گی۔