کینیڈا میں مسجد پر فائرنگ سے کم از کم 5 نمازی زخمی

ویب ڈیسک

17th Apr, 2022. 11:32 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کینیڈا میں مسجد پر فائرنگ سے کم از کم 5 نمازی زخمی

کینیڈا کے شہر ٹورونٹو میں واقع ایک مسجد پر آج علی الصبح ہونے والی فائرنگ کے واقعے میں کم از کم 5 نمازیوں کے زخمی ہونے کی اطلاعات ہیں۔

ٹورونٹو پولیس ڈپارٹمنٹ کے ترجمان ڈیوڈ رائزک نے بتایا ہے کہ یہ واقعہ آج سویرے ڈسٹرکٹ اسکاربورو میں پیش آیا ہے جہاں شرپسندوں کے ایک کار سوار گروہ نے مسجد کے پاس سے گزرتے ہوئے وہاں فجر کی نماز ادا کرنے والے نمازیوں پر فائرنگ کر دی۔

پولیس ترجمان کے مطابق نمازیوں پر کم از کم 6 گولیاں چلائی گئیں تاہم یہ معلوم نہیں ہو سکا ہے کہ حملے میں کتنے ملزمان ملوث تھے۔ ابھی یہ کہنا بھی مشکل ہے کہ آیا نمازیوں پر حملہ اُن کے مذہبی عقائد کی وجہ سے کیا گیا یا نہیں۔

دوسری جانب اسکاربورو مسلم ایسوسی ایشن نے افسوسناک واقعے پر تشویش کا اظہار کرتے ہوئے کینیڈا کے حکام پر ملزمان کو قانون کے کٹہرے میں لانے اور گن وائلینس کے واقعات پر مؤثر طور پر قابو پانے پر زور دیا ہے۔