گورنر سندھ عمران اسماعیل کا استعفیٰ منظور کر لیا گیا ہے۔
جاری کردہ نوٹیفیکیشن کے مطابق اسپیکر سندھ اسمبلی آغا سراج درانی نئے گورنر کی تعیناتی تک قائم مقام گورنر سندھ کے فرائض سرانجام دینگے۔
واضح رہے کہ 11 اپریل کو گورنرسندھ عمران اسماعیل نے مستعفی ہونے کا اعلان کیا تھا۔
عمران اسماعیل نے کہا تھا کہ صدر مملکت کو استعفیٰ بھجوا دیا ہے، سامان کی پیکنگ بھی شروع کردی ہے، ایک دو دن میں گورنرہاؤس سے شفٹ ہوجاؤں گا۔
عمران اسماعیل کے استعفے کے متن میں لکھا تھا کہ غیر ملکی اسپانسرڈ سازش کے ذریعے وزیراعظم عمران خان کو ہٹایا گیا، جس شخص پر کرپشن کے سنگین الزامات ہوں اسے پروٹوکول نہیں دے سکتا۔
Advertisement
استعفے کے متن میں لکھا تھا کہ مادر وطن کی خودمختاری کی جدو جہد اپنے قائد عمران خان کے ساتھ جاری رکھوں گا، مزید گورنر سندھ رہنا میری عزت نفس اور میرے قائد کے اعتماد کی خلاف ورزی ہوگی۔
گورنر سندھ عمران اسماعیل نے استعفے کے متن میں علامہ اقبال کا شعر بھی لکھا تھا
اے طاہر لاہوتی اس رزق سے موت اچھی
جس رزق سے آتی ہو،پرواز میں کوتاہی
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
