اپنی غیرمعمولی بڑی آنکھوں سے شہرت پانے والی بلی اس وقت سوشل میڈیا پر مقبول ہورہی ہے۔ اب اسے ریاست مشی گن کے شہر ہیل میں ایک روزہ میئر کا عہدہ بھی دیا گیا ہے۔

اس طرح یہ دنیا کی پہلی جانور ہے جسے اعزازی طور پر ایک دن کا میئر بنایا جائے گا اور اس بلی کا نام جنکس ہے۔ واضح رہے کہ مشی گن کے ایک چھوٹے سے شہر ہیل میں 100 ڈالر دے کر کوئی بھی شخص اعزازی طور پر ایک روز کے لیے شہر کا میئر بن سکتا ہے اور اس کا تعین بسا اوقات قرعہ اندازی کے ذریعے بھی کیا جاتا ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Jinx 🐈‍⬛ (@bigfootjinx)

Advertisement

جنکس کیلیفورنیا میں اپنے مالک کے پاس رہتی ہے۔ اس کی غیرمعمولی آنکھوں کی وجہ سے لوگ اس کی ہر ادا کو دیکھتے ہیں۔ اب یہ حال ہے کہ ٹک ٹاک پر اس کے فالوور کی تعداد 7 لاکھ 35 ہزار سے زائد ہے اور انسٹاگرام پر چار لاکھ سے زائد مداح ہیں جو بلی کو دیکھ کر خوش ہوتے رہتے ہیں۔

یہ بلی تین سال قبل ایک گھر کے باغ میں آئی تھی۔ اس کے اصل مالکان کو تلاش کرنے کی بہت کوشش کی گئی لیکن بے سود ثابت ہوئی پھر میا نامی خاتون نے اسے گود لے لیا اور اس کے سوشل میڈیا اکآونٹ بنائے۔

جب یہ بلی پائی گئی تو اس کی عمر صرف 3 ہفتے تھی اور یہ بہت کمزور اور نحیف تھی۔ اس کی بڑی آنکھوں کی وسعت میں مزید اضافہ ہوتا جاتا ہے اور ساتھ ہی پیر بھی غیرمعمولی طور پر بڑے ہیں۔ ماہرین کے مطابق یہ پیدائشی طور پر نقائص کی شکار ہے اور شاید اسی وجہ سے اسے بے آسرا چھوڑا گیا تھا۔

مالکن کے مطابق اس بلی نے بہت مشکل سے چلنا سیکھا تھا۔ لیکن اب وہ بہتر ہوچکی ہے۔ اب گھر بیٹھے اس کی میئر شپ کی تقریب 24 اپریل کو ہوگی جس میں لوگوں کی بڑی تعداد شریک ہوگی۔