میڈیکل سینٹر سے نومولود بچہ اغوا کرنے والے 4 ملزمان گرفتار

ویب ڈیسک

22nd Apr, 2022. 03:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میڈیکل سینٹر سے نومولود بچہ اغوا کرنے والے 4 ملزمان گرفتار

میڈیکل سینٹر سے نومولود بچہ اغوا کرنے والے 4 ملزمان کوگرفتار کر لیا گیا۔

ذرائع کے مطابق چند روز قبل احمد میڈیکل سینٹر سے نومولود بچے کو اغوا کیا گیا تھا، اغوا میں ملوث 4 ملزمان کو اے وی سی سی نے گرفتار کرلیا ہے۔

گرفتار ملزمان میں 1 لیڈی ڈاکٹر سمیت 2 ڈاکٹرز شامل ہیں جبکہ ملزمان میں 2 پرائیوٹ افراد بھی شامل ہیں۔

ذرائع کا کہنا ہے کہ لیڈی ڈاکٹرمریم عرف کنول زیب نے مبینہ طور پر بچہ اغوا کیا، یہ خاتون 2020 میں احمد میڈیکل سے نوکری چھوڑ چکی تھی، واقعے کے روز ڈاکٹر ظفر نے ڈاکٹر مریم کو آن کال بلایا تھا۔

ڈاکٹر ظفر کے مطابق اس روز ان کے بچے کی روزہ کشائی تھی، متبادل ڈیوٹی کیلئے ڈاکٹر ظفر نے ڈاکٹر مریم کو بلایا تھا ، ڈاکٹر مریم نے بشرا اور حمیرہ نامی خاتون کو بلا کر بچہ اغوا کروایا، حمیرہ اور بشرا نے اغوا شدہ نومولود کوایک اور شخص کے حوالے کیا۔

خیال رہے کہ بچے کی بازیابی کے لیے ایک اور ٹیم روانہ کردی گئی ہے۔

ذرائع اے وی سی سی کا کہنا ہے کہ اسپتال سے اغوا ہونے والا نومولود ہیرونچی یا نشئی کے حوالے کیا گیا ہے۔