ایک نئی تحیقق نے 2008 کی ہالی وڈ فلم اِنڈیانا جونز کے مرکزی کردار انڈیانا جونز کی بچھوؤں کی متعلق تنبیہ کو سچ ثابت کر دیا۔

سائنس دانوں نے فرضی ماہرِ آثارِ قدیمہ کے پروفیسر انڈیانا جونز کے بچھوؤں کی چھوٹی قسم کے زیادہ زہریلے ہونے کے متعلق مؤقف کی تصدیق کر دی۔

این یو آئی گیلوے کے محقیقن نے بچھوؤں کی 36 اقسام کا تجزیہ کیا جس سے ان کو معلوم ہوا کہ سب سے چھوٹی قسم سب سے بڑی قسم کی نسبت 100 گُنا زیادہ زہریلی تھی۔

تحقیق میں محققین کی ٹیم نے یہ جاننا شروع کیا کہ آیا انڈیانا جونز کے دعوے سچ تھے یا بس ایک مووی کا ڈائیلاگ تھا۔

ٹیم نے بچھوؤں کی 36 اقسام کا تجزیہ کیا جس میں دی ڈیتھ اسٹاکر، دی راک اسکارپیئن اور دی بارک اسکارپیئن شامل تھے۔

ان کے تجزیے میں بچھوؤں کی اوسط لمبائی کے ساتھ ان کے زہر کی ممکنہ زہریلے پن کی پیمائش شامل تھی۔

ان کے نتائج نے جونز کے دعووں کی تصدیق کی یعنی جتنا چھوٹا بچھو، اتنا مہلک اس کا زہر۔

برازیلی پیلا بچھو جو بمشکل 2-3 انچز کا ہوتا ہے اس کا زہر 8.3 انچ لمبے دی راک بچھو کے زہر کی نسبت 100 گُنا زیادہ مہلک تھا۔

تاہم، زہریلے ہونے کا تعلق صرف جسم کے سائز سے نہیں تھا، اس کا تعلق ان کے پِنسر سے بھی تھا۔