چیئرمین پاکستان پیپلز پارٹی بلاول بھٹو زرداری کی لندن میں مسلم لیگ (ن) کے قائد نواز شریف سے ہونے والی ملاقات کا اعلامیہ جاری کردیا گیا۔
جاری کردہ اعلامیے کے مطابق دونوں رہنماؤں نے ملاقات کے دوران جمہوریت، قانون کی حکمرانی اور پارلیمنٹ کی بالادستی پرتبادلہ خیال کیا اور اس بات پر اتفاق کیا کہ جب بھی سیاسی جماعتوں نے مل کر کام کیا بڑی کامیابی حاصل کی۔
اعلامیہ میں کہا گیا کہ عوام پی ٹی آئی حکومت کی نااہلی اور تباہ کن معاشی بدانتظامی کا بہت نقصان اٹھا چکے ہیں لہذا ان تمام بحرانوں اور مسائل کو فوری طور پر حل کرنے کی اشد ضرورت ہے جب کہ ہم مشترکہ اہداف اور موجودہ معاشی صورتحال کو تبدیل کرنے پرتوجہ مرکوز کریں گے۔
خیال رہے کہ 2 روز قبل پی پی پی چیئرمین بلاول بھٹو زرداری میاں نواز شریف سے ملاقات کے لئے لندن روانہ ہوئے تھے۔
اس ملاقات کے حوالے سے خیال کیا جارہا تھا کہ بلاول بھٹو میاں نواز شریف سے ملاقات کر کے وزارتوں کے متعلق بات چیت کریں گے ۔
Advertisement
واضح رہے کہ بلاول بھٹو زرداری کو بحیثیت وزیر خارجہ حلف اٹھانا تھا تاہم پارٹی میں اس عہدے کے لئے اختلافات رائے موجود ہیں جبکہ سابق صدر آصف علی زرداری بھی بلاول بھٹو کو وزارت خارجہ دیئے جانے سے ناخوش تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
