آسکرایوارڈ کی تقریب کے دوران اسٹیج پر امریکی اداکار ول اسمتھ کا تھپڑ کھانے والے کرس راک کی والدہ کا پہلا بیان سامنے آگیا۔

بین الاقوامی میڈیا رپورٹس کے مطابق کرس راک کی والدہ روز راک پہلی بار اپنے بیٹے کو تھپڑ مارنے پر ردعمل دیتے ہوئے کہا کہ مجھے بہت برا لگا کہ ول اسمتھ نے اپنی اس غیراخلاقی حرکت پر معافی نہیں مانگی۔

ہالی ووڈ رپورٹر کے مطابق، روز راک نے کہا کہ ول اسمتھ نے راک کرس کو نہیں ہم سب کو تھپڑ مارا اور اس نے واقعی مجھے تھپڑ مارا۔

روز راک نے مزید کہا کہ جب آپ نے میرے بچے کو نقصان پہنچایا تو آپ نے مجھے تکلیف دی۔ انہوں نے اپنے بیٹے کی حمایت کرتے ہوئے کہا وہ ول اسمتھ کے خلاف کاروائی کرکے اچھا کر رہاہے۔

واضح رہے کہ یہ واقعہ اس وقت پیش آیا جب آسکر ایوارڈ کے لائیو شو میں کامیڈین کرس راک کی جانب سے میزبانی اور ہنسانے کا سیشن جاری تھا، اسی دوران کرس راک نے شرکاء کو ہنسانے کی غرض سے بہترین اداکار نامزد ہونے والے اداکار ول اسمتھ کی اہلیہ، اداکارہ جاڈا پنکیٹ اسمتھ کو مذاق کا نشانہ بنایا۔

کرس راک کا جاڈا پنکٹ کے بالوں کی کٹنگ کا مذاق اور ایک فلم کے سیکوئل میں کام کرنے سے متعلق تجویز دی گئی، اس مذاق پر آسکر ایوارڈ کے ہال میں ایک دم خاموشی چھا گئی اور سب ہی اس مذاق پر حیران ہو گئے۔

اپنی اہلیہ کا نام آنے پر ول اسمتھ جذباتی ہوگئے اورغصے میں آگئے۔

ول اسمتھ اپنی کرسی سے اُٹھ کر اسٹیج پر جا پہنچے اور کرس راک کو مکا دے مارا، اسٹیج سے واپس آتے ہوئے ول اسمتھ کا کرس راک پر چلّاتے ہوئے کہنا تھا کہ ’میری بیوی کا نام اپنے منہ پر مت لاؤ۔

واضح رہے کہ ول اسمتھ کی اہلیہ، اداکارہ جاڈا پنکیٹ اسمتھ بالوں کی بیماری ’ایلو پیشیا‘ میں مبتلا ہیں جس کی تشخیص کا انہوں نے 2018 میں عوام کے سامنے انکشاف کیا تھا۔