بہت کم لوگ جانتے ہیں کہ جہاں تیبلٹ باریک سے باریک بن رہے ہیں وہیں خاموشی سے برقی روشنائی کے حامل لچکدار کاغذوں کی دنیا میں ایک انقلاب بپا ہے اور اس کا ثبوت گیلری تھری کی صورت میں دیکھا جاسکتا ہے جو اب 50000 مختلف رنگ پروسیس کرسکتا ہے۔

اس کا پورا نام ای انک گیلری تھری ہے جو اب پچاس ہزار مختلف رنگ پروسیس کرسکتا ہے اور اسے کاغذ کی طرح رول کرکے رکھا جاسکتا ہے۔ کمپنی کے مطابق یہ مائیکرو ایل ای ڈی اور مِنی ایل ای ڈی کی ضمن میں ایک نیا انقلاب ہے جس میں وہی ای انک ٹیکنالوجی استعمال کی گئی ہے جو کِنڈل کا حصہ ہوتی ہے۔ تاہم نئی ٹیکنالوجی کو مزید بہتر بنایا گیا ہے۔

اگرچہ ای انک ٹیکنالوجی بعض ہارڈویئر اور ڈسپلے میں استعمال ہورہی ہے جن میں کلیاڈو، پاکٹ بک کلر، اور بوکس نووا تھری جیسے ڈسپلے شامل ہیں۔

یہ روایتی سیاہ و سفید ای انک استعمال کرتا ہے لیکن اس میں رنگوں کا فلٹر لگایا گیا ہے جو رنگوں کو روشن اور خوبصورت انداز میں ظاہر کرتا ہے۔ یہ بنیادی طور پر سبز، سرخ اور نیلی رنگت کو پروسیس کرتے ہیں اور انہی سے دیگر ہزاروں رنگ بنتے ہیں۔

اس ای پیپر کی ایک اور خاصیت بھی دیکھ لیں کہ اس میں رنگوں کی پروسیسنگ اور ریفریشن ریٹ ڈیڑھ سیکنڈ تھا جو کم ہوکر 1500 ملی سینکڈ تک رہ گیا ہے۔ اگرچہ ایپل کا آئی پیڈ منی کا ریفریشر ریٹ اس سے بھی 60 گنا زائد ہے لیکن ای انک ٹیکنالوجی اور لچکدار ڈسپلے کی یہ شاندار جست ہے۔

کمپنی کے مطابق اس کی تازہ کاری کی شرح اور رنگوں کی جاذبیت کو مزید بہتر بنایا جائے گا۔ فی الحال کمپنی نے نئی ٹیکنالوجی کی دو نئی ویڈیوز بھی جاری کی ہے۔ اس کا سب سے حیرت انگیز پہلو یہ ہے کہ کاغذ کی طرح رول ہونے والا ایک ڈسپلے ہیں جو مڑنے اور کھنچ جانے پر اپنی افادیت برقرار رہتا ہے۔

لیکن اس کی مزید تفصیلات سامنے نہیں آسکی ہیں بس انتا معلوم ہے کہ سال کے آخر میں اہم اعلان متوقع ہے۔