بالی ووڈ کے معروف اداکار اکشے کمار کی نئی آنے والی فلم اب تک کی سب مہنگی ایکشن تھرلر فلموں میں سے ایک ہوگی۔

غیر ملکی خبر رساں ادارے کے مطابق بھارتی ہدایتکارعلی عباس ظفر نے اپنی نئی فلم’بڑے میاں چھوٹے میاں‘ میں فلم انڈسٹری کے دو ایکشن اسٹارز اکشے کمار اور ٹائیگر شیروف کو کاسٹ کرنے کا فیصلہ کیا ہے۔

تاہم پروڈکشن ٹیم کا فلم کو اگلے سال  کرسمس کے موقع پر ریلیز کرنے کا ارادہ ہے۔

اس فلم کے لیے مجموعی طور پر300 کروڑ روپے کا بجٹ مختص کیا گیا ہے ‘۔

اس فلم کی پروڈکشن پر  تقریباً 120 کروڑ روپے کی لاگت آئے گی جوکہ اکشے کمار کی اب تک کی کسی بھی فلم کے لیے سب سے زیادہ لاگت ہے‘۔

علاوہ ازیں رپورٹ میں یہ بھی بتایا گیا ہے کہ’اکشے کمار جوکہ گزشتہ دو سالوں سے کسی بھی فلم میں کام کرنے کا معاوضہ35 سے 60 کروڑ روپے لیتے آرہے ہیں فلم (بڑے میاں چھوٹے میاں) میں کام کرنے کے لیے دو سے تین گنا زیادہ معاوضہ لیں گے‘۔

دوسری جانب ’یہ فلم 1999 میں بننے والی امیتابھ بچن اور گووندا کی اصل فلم کا ریمیک نہیں ہے بلکہ علی عباس ظفر نے اس فلم کے لیے بالکل ایک نیا اسکرپٹ لکھا ہے ۔

اس فلم کی پروڈکشن کی لاگت تقریباً 120 کروڑ روپے ہے، جبکہ تقریباً 200 سے 210 کروڑ روپے تک دونوں ایکشن اسٹارز اور ہدایتکار کا معاوضہ ہوگا‘۔

تاہم تٖصیلات کے مطابق،  فلم’بڑے میاں چھوٹے میاں‘ کی کل لاگت تقریباََ 350 کروڑ بھارتی روپے ہوگی۔