نمرہ اور اسد کی شادی اپنے وقت کی ایک خوبصورت شادی تھی لیکن اب سوشل میڈیا پر دعا اور ظہیر کے ساتھ نمرہ اور اسد کا موازنہ کیا جارہا ہے۔

نمرہ اور اسد کی شادی کے بعد انہیں سوشل میڈیا سے خوب شہرت ملی تھی، ٹی وی شوز، مارننگ شوز میں بھی ان کو مدعو کیا گیا تھا جہاں کچھ لوگوں نے انگلیاں اٹھائیں اور وہیں زیادہ تر لوگوں نے ان کو پسند بھی کیا کیونکہ ان کے گھر والوں نے چھوٹی عمر میں شادی کروا کر دیگر والدین کو یہ نصیحت دی تھی کہ بچوں کی مرضی سے شادی کروائیں، نکاح جیسے پاک رشتے کو عام بنائیں تاکہ بچے باغی نہ بنیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Nimraasad (@nimraasad_)

Advertisement

اسی طرح آج کل دعا زہرہ کی شادی کا معاملہ زیرِ بحث ہے کہ جب بچی بالغ نہیں ہوئی تو نکاح کیسے ہوگیا؟

دعا کی اپنے شوہر ظہیر کے ساتھ ایک تصویر اور نمرہ اسد کی ایک تصویر سوشل میڈیا پر خوب شیئر کی جا رہی ہے جس میں دونوں کا موازنہ ہو رہا ہے۔

لوگوں کا کہنا ہے کہ نمرہ اور اسد نے بھی تو کم عمری میں شادی کی تھی ان پر کسی نے تنقید نہیں کی بلکہ ان کو عزت دی گئی لیکن دعا ظہیر نے کم عمری میں شادی کی تو ان پر سوالات اٹھائے جا رہے ہیں ،وہیں کچھ صارفین کہہ رہے ہیں کہ نمرہ اور اسد کی شادی ایک اعلیٰ مثال تھی کیونکہ انہوں نے اپنے گھر والوں کے ساتھ مرضی سے سب کی رضامندی سے کھلے عام خوشی کے ساتھ نکاح جیسے پاک بندھن کو اپنایا جبکہ دعا ظہیر نے والدین کی رضامندی کے بغیر بنا بتائے گھر سے جا کر نکاح کیا۔

دوسری جانب نمرہ کاظمی نے بھی گھر سے بھاگ کر شادی کی لیکن اس کی ویڈیوز اور تصاویر میں یہ نظر آرہا ہے کہ وہ خوش ہے وہیں اگر دعا کی تصاویر دیکھیں تو وہ ڈری سہمی نظر آرہی ہے، اگر وہ اپنے گھر میں خوش ہے تو شادی کی تصاویر کہاں ہیں؟

 کیا وہ شادی کے لیے تیار ہی نہیں ہوئی؟ کیا وہ کسی خطرے میں ہے؟ بہرحال آج بھی یہ تمام تر سوالات اپنی جگہ موجود ہیں۔

اس کے والدین کی گفتگو اس کے بیانات کی نفی کر رہی ہے مگر ہر کوئی دعا کے لیے دعاگو ہے کہ وہ خوش ہو، سلامت رہے۔