وزیراعظم شہباز شریف نے آج مکہ مکرمہ میں عمرہ ادا کیا۔

اس دوران خانہ کعبہ کے دروازے وزیراعظم اور ان کے وفد کے لیے خصوصی طور پر کھولے گئے۔

وزیرِ اعظم شہباز شریف کی عمرہ ادائیگی کیلئے مکہ مکرمہ آمد.

Advertisement

وزیرِ اعظم شہباز شریف اور پاکستانی وفد کیلئے خصوصی طور پر کعبہ شریف کے دروازے کھولے گئے. #PakKSAVisit #PMShehbazInKSA pic.twitter.com/uAbUv67Siv

— Prime Minister’s Office (@PakPMO) April 30, 2022

وزیرِ اعظم محمد شہباز شریف نے زیارتِ خاص کے بعد حجرِ اسود کو بوسہ دیا اور طوافِ کعبہ کیا۔

اس موقع پر وزیراعظم نے پاکستان اور پوری امت مسلمہ کی سلامتی اور ترقی کے لیے دعا کی۔

وزیراعظم کے ہمراہ اعلیٰ سطح وفد نے بھی عمرہ کی سعادت حاصل کی۔

وزیرِ اعظم شہباز شریف نے زیارتِ خاص کے بعد حجرِ اسود کو بوسہ دیا اور عمرہ ادا کیا. عمرہ ادائیگی کے بعد ملک و قوم اور مسلم اُمہ کی سلامتی اور پاکستان کی ترقی و خوشحالی کیلئے دعائیں کی گئیں.#PakKSAVisit #PMShehbazInKSA pic.twitter.com/FLxMLpTHRK

— Prime Minister’s Office (@PakPMO) April 30, 2022

خیال رہے کہ وزیر اعظم مدینہ منورہ اور جدہ میں بھرپور دو روز گزارنے کے بعد عمرہ کی سعادت حاصل کرنے کے لیے مکہ مکرمہ روانہ ہوئے تھے۔

وزیر اعظم نے مدینہ منورہ میں قیام کے دوران دو مرتبہ روزہ رسول صلی اللہ و علیہ وسلم پر حاضری دی، ریاض الجنتہ میں نوافل ادا کیے، جمعتہ الوداع کی نماز مسجد نبوی میں ادا کی، ملکی سلامتی، ترقی اور سماجی خوشحالی کے لیے دعائیں مانگیں۔

جدہ میں وزیر اعظم نے سعودی عرب کے ولی عہد شہزادہ محمد بن سلمان بن عبدالعزیز سے اہم ملاقات کی، جس میں دونوں ممالک کے درمیان اقتصادی و تجارتی روابط کو بڑھانے اور سرمایہ کاری کو فروغ دینے کے علاوہ سعودی عرب میں پاکستانی افرادی قوت کے لیے روزگار کے زیادہ سے زیادہ مواقع پیدا کرنے کے حوالے سے بات چیت ہوئی۔

وفاقی وزراء بلاول بھٹو زرداری، مفتاح اسماعیل، نوبزادہ شاہزین بگٹی، مریم اورنگزیب، خواجہ محمد آصف، احسن اقبال، چوہدری سالک حسین، ڈاکٹر خالد مقبول صدیقی، محسن داوڑ اور مولانا طاہر اشرفی بھی وزیرِ اعظم کے ہمراہ وفد میں موجود ہیں ۔

منصب وزارت عظمیٰ سنبھالنے کے بعد وزیراعظم کا یہ پہلا غیر ملکی دورہ ہے۔