بالی ووڈ میں  نوازالدین صدیقی کا نام کسی تعرف کا محتاج نہیں وہ ایک باصلاحیت اداکار ہیں۔ نوازالدین صدیقی کے حوالے سے آج کل یہ افواہیں گردش کر رہی ہیں انہوں نے کنگنا رناوت کے ساتھ کام کرنے کومشکل قرار دیا ہے۔ واضح رہے نوازالدین کنگنارناوت کی پروڈکشن میں بنائی جانے والی پہلی فلم ٹیکوویڈس شیرومیں مرکزی کردار ادا کیا ہے۔

فلم ٹیکو ویڈس شیرو کنگنا کی پہلی پروڈکشن وینچر ہے جبکہ سائی کبیر نے اس فلم ہدایت دی ہیں، اس فلم کی شوٹنگ رواں سال فروری مکمل کر لی گئی تھی جبکہ اس فلم کو ایمیزون پرائم ویڈیو پر براہ راست ریلیز کی جائے گی۔

نوازالدین صدیقی نے حال ہی میں کنگنا کے ساتھ کام کرنے کے اپنے تجربے کا ذکر کرتے ہوئے کنگنا رناوت کو بہترن پروڈیوسروں میں سے ایک قرار دیا اور ان افواہوں کی تردید کی جن میں یہ کہا جارہا تھا کہ کنگنا کے ساتھ کام کرنا مشکل ہے۔ انہوں نے کہا انڈسٹری میں کسی کے بھی بارے میں افواہوں پر یقین نہیں کرنا چاہئے۔

نوازالدین نے ایک انٹرویوکے دوران کہا کہ کنگنا کے ساتھ کام کرکے بہت مزہ آیا یہ بہت کمال کی لڑکی ہیں، بہت لطف آیا اور کنگنا ایک حیرت انگیز لڑکی ہیں۔

 جبکہ ان سے یہ بھی پوچھا گیا کہ کیا ان کے ساتھ کام کرنا مشکل ہے تو اس پرنوازالدین نے کہا وہ اس فلم میں ان کی پروڈیوسرتھیں اور ان جیسے پروڈیوسر کی تعداد بہت کم ہیں بلکہ نایاب ہیں۔ جبکہ ساتھ ہی یہ بھی پوچھا گیا کہ وہ کنگنا کے ساتھ کام کرنے سے ڈرتے ہیں؟ تو انہوں نے کہا کس چیز کا ڈروہ ایک شاندار اداکارہ ہیں اور بے انتہا اچھی پروڈیوسر ہیں۔

واضح رہے کہکنگنا رناوٹ کوآئے دن اپنے متنازعہ بیانات کیوجہ سے تنقید کاسامنا کرنا پڑتا ہے، جبکہ وہ کسی قدر ضدی طبیعت کی مالک ہیں یہی وجہ ہے کئی اداکار ان کے ساتھ کام کرنے سے کتراتے ہیں۔