ملک بھر میں جاری گرمی کی لہر کے پیش نظر سندھ بھر میں اس کے پھرپور اثرات نظر آنے لگے ہیں۔

سندھ بھر میں گرمی کی شدت میں اضافہ ریکارڈ کیا گیا ہے جبکہ حیدرآباد میں درجہ حرارت 50 ڈگری سینٹی گریڈ تک جاپہنچا ہے۔

اسکے علاوہ نواب شاہ میں درجہ حرارت 43 ڈگری سینٹی گریڈ ہے جبکہ سکھر میں 44 ڈگری سینٹی گریڈ رکارڈ کیا گیا ہے۔

میرپورخاص میں 41 ڈگری سینٹی گریڈ پنو عاقل میں 40 ڈگٹری سینٹی گریڈ اور مورو میں 40 ڈگری سینتی گریڈ درجہ حرارت ریکارڈ کیا گیا ہے۔

دوسری جانب محکمہ موسمیات کے مطابق کراچی کا کم سے کم درجہ حرارت بھی 29.5 ڈگری سینٹی گریڈ پر پہنچ گیا ہے جبکہ مختلف اسٹیشنوں پر 30 ڈگری بھی ریکارڈ کیا گیا ہے۔

اس حوالے سے چیف میٹرولوجسٹ سردار سرفراز نے کہا ہے کہ 29 اپریل، 30 اپریل اور یکم مئی موجودہ ہیٹ ویو کے گرم ترین دن ہو سکتے ہیں تاہم شہر میں رواں ماہ کے وسط میں ہیٹ ویو میں کمی آئے گی۔

انہوں نے کہا کہ ایک اور ہیٹ ویو 7 یا 8 مئی کو آسکتی ہے اور مئی کے وسط تک رہے گی، ملک کے مشرقی حصے اس کی لپیٹ میں آئیں گے۔

چیف میٹرولوجسٹ کا کہنا تھا کہ اندرون سندھ، جنوبی وسطی پنجاب ہیٹ ویو سے متاثر ہوگا جب کہ کراچی نسبتاً ٹھنڈا رہے گا۔

دوسری جانب کراچی کے موسم کے متعلق بات کرتے ہوئے ان کا کہنا تھا کہ 29 سے 30 اپریل کے درمیان یہ 40 ڈگری سینٹی گریڈ کو چھو سکتا ہے جبکہ عید کے موقع پر کراچی میں درجہ حرارت 34 سے 36 ڈگری سینٹی گریڈ کے درمیان رہ سکتا ہے