مراد سعید نے کہا ہے کہ اسلامو فوبیا کیخلاف 15مارچ کو عالمی دن منایا جائے گا۔

پی ٹی آئی رہنما مراد سعید نے کہا کہ پاکستان کو دہشتگردی کے پروپیگنڈے سےجوڑا گیا، ان کا ہر عمل یہ بتا رہا ہے کہ یہ کتنا گر سکتے ہیں۔

انہوں نے کہا کہ دہشتگردی کیخلاف جنگ میں 80ہزارجانوں کانذرانہ پیش کیا، دہشتگردی کیخلاف جنگ میں سیکیورٹی فورسزکے جوان شہید ہوئے۔

پی ٹی آئی رہنما کا کہنا تھا کہ عمران خان نے ہر فورم پر اسلامو فوبیا کیخلاف آواز اٹھائی، اسلاموفوبیا کیخلاف 15مارچ کو عالمی دن منایا جائےگا۔

مراد سعید کا یہ بھی کہنا تھا کہ عمران خان عالم اسلام کے سفیر بن کر باہر آئے جبکہ عمران خان کشمیرکے سفیر بن کر اقوام متحدہ بھی گئے۔

انہوں نے کہا کہ مراسلے کے اگلے روز تحریک عدم اعتماد جمع کرائی جاتی ہے، کہا جاتا ہے ناکامی کی صورت میں سنگین نتائج بھگتا پڑیں گے۔

مراد سعید کا کہنا تھا کہ پاکستان کے ہوائی اڈے دینے کی بات آئی تو کہا ایبسلوٹلی ناٹ، عمران خان کے دور حکومت میں ایک ڈرون حملہ نہیں ہوا۔

پی ٹی آئی رہنما مراد سعید کا مزید کہنا تھا کہ ہم پاکستان کی حقیقی جمہوری آزادی کی بات کررہے ہیں، عمران خان کسی بیروبی طاقت کے سامنے جھکے نہیں،عمران خان نے اپنی حکومت قربان کردی۔