نابینا افراد کے لیے اُبھرے ہوئے نقاط پر مبنی خصوصی قرآن پاک  تیار کر لیا گیا یے۔

تفصیلات کے مطابق بلائنڈ ریسورس فاؤنڈیشن پاکستان نے نابینا افراد کے لیے اسلامی دنیا کا پہلا بریل قرآن شریف تیار کرلیا ہے۔

نابینا افراد قرآن شریف پڑھ نہیں سکتے تھا لہزا اس بات کو مدِ نظر رکھ کر بریل لینگویج میں اُبھرے ہوئے نقاط پر مبنی خصوصی قرآن پاک کراچی میں تیار کیا گیا ہے.

بریل لینگویج میں اُبھرے ہوئے قرآن پاک کو ڈھائی سال کے عرصے میں تیا کیا گیا ہے۔

گزشتہ سال سے اب تک 100 جلدیں بصارت سے محروم افراد میں تقسیم کی جاچکی ہیں جبکہ ملائیشیا اور سری لنکا میں بھی قرآن شریف بھجوائے گئے ہیں جنھیں بے حد پذیرائی ملی ہے۔

بلائنڈ ریسورس فاؤنڈیشن کے سربراہ محمد شکیل نےبتایا کہ نابیانا افراد کے لیے بریل لینگویج قرآن پاک کا ہونا بہت ضروری تھا ۔

تاہم بریل لینگویج قرآن پاک کو تیار کر لیا گیا جسے اب پوری دنیا میں موجود نابیانا افراد تک پہنچایا جائے گا۔

محمد شکیل نے ایک انٹرو میں بتایا کہ پاکستان میں نابینا افراد کی تعداد 5 لاکھ سے زائد ہیں۔

یاد رہے کہ بلائنڈ ریسورس فاؤنڈیشن نابینا افراد کو علم کے زیور سے آراستہ کرنے کا ادارہ ہے۔

بصارت سے محروم افراد کے لیے قرآن پاک پرنٹ کرنے میں پورا ایک روز لگتا ہے قرآن پاک 6 جلدوں پر مشتمل ہوتا ہے ہر جلد میں پانچ سپارے ہوتے ہیں کیونکہ بریل لینگویج کا کارڈ موٹا ہونے کی وجہ سے تمام سپارے ایک جلد میں مرتب نہیں کیے جا سکتے۔

محمد شکیل کے مطابق وہ پوری اسلامی دنیا میں نابینا افراد کے لیے قرآن پاک مہیا کرنا چاہتے ہیں جس کے لیے مخیر حضرات کی مدد اور تعاون ناگزیر ہے، نیکی کا کامہے، مخیر حضرات مل جائیں اور قرآن پاک کی تیاری میں حصہ ڈالیں تو ہم سب کو اس کا اجر ملے گا۔

واضح ر ہے کہ بریل قرآن پاک کی چھپائی کی لاگت ساڑھے 4 ہزار روپے ہے۔