حلیم عادل شیخ نے کہا ہے کہ عمران خان کے کردار پر حملے کیلئے ایک پلان تیار کیا گیا ہے۔

اپوزیشن لیڈر سندھ اسمبلی حلیم عادل شیخ نے پریس کانفرنس کرتے ہوئے کہا ہے کہ عمران خان نے اقوام متحدہ میں ناموس رسالتﷺ کے خلاف بات کرنے پر آواز اٹھائی، اس لیڈر پر توہین مذہب کا جھوٹا مقدمہ بنایا دیا گیا۔

انہوں نے کہا کہ یہودیوں کے ایجنٹ چیریبلاسم غلامی کر رہے ہیں، ہماری جانیں حاضر ہیں، کپتان کے ساتھ پوری عوام کھڑی ہے، عمران خان نے توشہ خانہ سے پچاس فیصد ادائیگی کے بعد گھڑی لی۔

حلیم عادل شیخ نے کہا ہے کہ مریم نے تو دس لاکھ کی گھڑی 45 ہزار میں نکلوائی تھی، نوازشریف پچاس روپے میں کارپیٹ لے گیا تھا، شوکت عزیز گیلانی توشہ خانہ سے لاکھوں کی چیزیں کوڑیوں کے دام لے گئے تھے۔

اپوزیشن لیڈر سندھ اسمبلی نے کہا کہ شوکت عزیز 26کروڑ کے تحائف 2.5 کروڑ میں لے گئے تھے، گیلانی صاحب 20لاکھ کے تحفے 2 لاکھ میں لے گئے، زرداری بھی 15کروڑ کی گاڑیاں 2 کروڑ میں لے گئے تھے۔

انہوں نے کہا کہ عمران خان کے کردار پر حملے کے لئے ایک پلان تیار کیا گیا ہے، ویڈیو کوئین نے فیک ویڈیو کے ذریعے حملا کروانے کی سازش بنی ہے، کہتی ہیں جب ابا کہیں گے ویڈیو جاری کر دونگی، ان کو شرم آنی چاہیے ایسی گندی حرکات کرنے پر۔

حلیم عادل شیخ نے کہا ہے کہ ان گندے لوگوں سے نمٹنے کے لئے پوری قوم جواب دے گی، ماضی میں بھی ان لوگوں نے جعلی ویڈیوز بنائی تھیں، کونسی دو بڑی شخصیات ہیں جن کی ویڈیوز ڈائریکٹر مریم کے پاس ہیں۔

اپوزیشن لیڈر سندھ اسمبلی نے کہا کہ عمران خان ایک عظیم انسان ہیں ان کے خلاف ایسا ڈرامہ برداشت نہیں کریں گے، عمرہ پر ادائیگی پر یہ لوگ بدنام ہوئے، 8 ارب لینے گئے تھے ان کو کہا گیا تین ارب ڈالر بھی واپس مانگ لئے۔

انہوں نے کہا کہ سعودی عرب سے منہ کی کھا کر بےعزت ہوکر واپس آئے، دبئی گئے ریڈ کارپیٹ کے بجائے جالا کارپیٹ بھی نہیں ملا، کیا اب مہنگائی ختم ہوگئی؟ اب پاکستان میں دودھ کی نہریں بہہ رہی ہیں؟