پیپلزپارٹی کو صدر مملکت اور چیئرمین سینیٹ کے عہدوں کیلئے گرین سگنل مل گیا

ویب ڈیسک

09th May, 2022. 01:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیپلزپارٹی کو صدر مملکت اور چیئرمین سینیٹ کے عہدوں کیلئے گرین سگنل مل گیا

پاکستان پیپلزپارٹی کو حکومت کی جانب سے صدر مملکت اور چیئرمین سینیٹ کے عہدوں کیلئے گرین سگنل مل گیا ہے۔

اس حوالے ذرائع کا کہنا ہے کہ پاکستان پیپلزپارٹی، مسلم لیگ (ن) میں پاور شیئرنگ فارمولہ کا آخری مرحلہ مکمل ہوگیا ہے۔

ذرائع کے مطابق پیپلزپارٹی اور ن لیگ کے درمیان آئینی عہدوں کے متعلق تمام معاملات طے پا گئے ہیں جبکہ پی پی پی کو صدر مملکت اور چیئرمین سینیٹ کے عہدوں کیلئے بھی گرین سگنل مل گیا ہے۔

ذرائع نے بتایا ہے کہ ن لیگ صدر مملکت کا عہدہ خالی ہونے پر پی پی کی حمایت کرے گی جبکہ چئیرمین سینٹ کے عہدے پر پی پی امیدوار کی حمایت کرے گی۔

خیال رہے کہ مولانا فضل الرحمان صدر مملکت کے عہدے کے خواہشمند تھے جبکہ پی پی آئینی عہدوں کی یقین دہانی پر گورنر کے عہدے سے دستبردار ہوئی تھی تاہم مولانا فضل الرحمن صدر کا عہدہ نہ ملنے پر ناراض ہیں ۔

واضح رہے کہ گزشتہ ہفتے پاکستان پیپلزپارٹی کی اعلیٰ قیادت کی وزیراعلیٰ پنجاب حمزہ شہباز سے اہم ملاقات ہوئی تھی جس میں پی پی نے گورنر پنجاب کا عہدہ چھوڑنے کا فیصلہ کیا تھا۔

اس دوران پی پی پی کی جانب سے اہم آئینی عہدے مانگے گئے تھے جس پر حمزہ شہباز کی جانب سے یقین دہانی بھی کروائی گئی تھی۔