پاکستان کے معروف اداکار و میزبان احمد علی بٹ نے عامر لیاقت حسین کی تیسری اہلیہ دانیہ شاہ پر برہمی کا اظہار کیا ہے۔

احمد علی بٹ نے اپنی انسٹاگرام اسٹوری میں دانیہ شاہ کی نجی ویڈیوز لیک کرنے پر شدید برہمی کا اظہار کرتے ہوئے کہا کہ مجھے دانیہ سے کوئی ہمدردی نہیں ہے اور نہ ہی اس طلاق سے جس کی وجہ سے سوشل میڈیا پر گندگی پھیل رہی ہے۔

انہوں نے کہا کہ آپ کو اچھی طرح معلوم تھا جب آپ نے عامر لیاقت سے شادی کی تو آپ کو کیا حاصل ہوگا اور آپ نے اُن کے نام سے بھرپور شہرت حاصل کی۔

اداکار نے کہا کہ ان ذاتی ویڈیوز کو لیک کرنا نفرت سے بالاتر ہے، یہ ظاہر ہے کہ آپ نے ویکٹم کارڈ کا استعمال کیا ہے۔

احمد علی بٹ نے کہا کہ مجھے کسی بھی فریق سے کوئی ہمدردی نہیں ہے لیکن صرف اس بات سے تنگ آچکا ہوں کہ سوشل میڈیا ایسے واقعات کے لیے ٹوائلٹ کیسے بن گیا ہے۔

انہوں نے کہا کہ کوئی بھی آپ کی گندگی نہیں دیکھنا چاہتا یا تو اس معاملے کو نجی طور پر حل کریں یا کسی وکیل کے پاس جائیں۔

واضح رہے کہ دانیہ شاہ نے الزامات کے ساتھ عامر لیاقت کی نازیبا ویڈیوز لیک کرنا شروع کر دی ہیں۔

دانیہ شاہ کا ان ویڈیوز کو بطور ثبوت دکھاتے ہوئے کہنا تھا کہ عامر لیاقت کوکین کوکین کرتا رہتا تھا اور نشے کی حالت میں رہتا تھا، اپنے ملازموں سے نشہ منگواتا تھا، عامر لیاقت کی نظر میں اِن ملازمین کی حیثیت مجھ سے زیادہ تھی۔