احسن خان خوبروماڈل، باصلاحیت اداکاراورعمدہ میزبان ہیں۔ انہوں اداکاری کا آغاز فلموں سے کیا پھر ڈرامہ انڈسٹری کی جانب رخ کیا، ان کی مشہور فلموں میں نکاح، بلی، گھر کب آؤ گے سلطنت،عشق خدا اور دل میرا دھڑکن تیری شامل ہیں۔

 احسن خان نے کئی ڈراموں  میں لازوال کردار ادا  کئے جنہیں ناظرین کی جانب سے بے حد پسند کیا گیا۔ خاص کر اڈاری میں ان کے کرداراور اداکاری کوبہت سراہا گیا۔

احسن خان اور ان کی اہلیہ فاطمہ احسن خان  حال ہی میں ایک شو میں شریک ہوئے جہاں انہوں نے پہلی بار ذاتی زندگی اور پسند کی شادی کے بارے میں اپنی رائے کا اظہار کیا۔

احسن خان کا کہنا تھا کہ فاطمہ کی فیملی ہمارے پڑوسی ہونے کے ناطے دونوں خاندان کے درمیان دوستانہ روابط تھے۔ محبت کا آغاز اس طرح ہوا کہ ایک دفعہ احسن خان کا کتا اور اس کے بچے فاطمہ کے گھر چلے گئے یہاں یہ بات قابل ذکر ہے کہ فاطمہ جانوروں سے بے حد لگاؤرکھتی ہیں اسی لئے انہوں نے ان کو اپنے گھر میں رکھ لیا لیکن جب احسن انہیں لینے کے لئے گئے وہ رونی لگ گئی بس اسی لمحے احسن نے ان سے شادی کرنے کے بارے میں سوچا اور یوں یہ دوستی پہلے محبت اور پھر شادی میں بدل گئی اور اب اتنے سال گزرنے کے باوجود ان کی محبت میں کوئی کمی نہیں آئی بلکہ یہ وقت ساتھ مزید بڑھ رہی ہے۔