پاکستان شوبز انڈسٹری کی معروف اداکارہ مایا علی نے سنیما گھروں میں مقامی فلموں پر غیر ملکی فلموں کو ترجیح دینے کے معاملے پر ردِ عمل کا اظہار کیا ہے۔

ادکارہ نے مائیکرو بلاگنگ ویب سائٹ ٹوئٹر پر پاکستانی فلم میکرز کے ساتھ ہمدردی کا اظہار کرتے ہوئے لکھا کہ یہ دیکھ کر افسوس ہوتا ہے کہ تمام فلم پروڈیوسرز کس طرح اپنا حق مانگ رہے ہیں جس کے وہ اصل میں مستحق ہیں۔

It’s sad to see how all the film producers are asking for what they actually deserve. It was just a matter of a week, I appreciate all the producers and actors who put their soul, time and effort into rebuilding a cinema industry especially after “Covid”.

— Maya Ali (@mayaali07) May 11, 2022

مایا علی نے لکھا کہ یہ صرف ایک ہی ہفتے کی تو بات تھی، ان تمام پروڈیوسرز اور اداکاروں کی تعریف کرتی ہوں جنہوں نے خاص طور پر کورونا کے بعد سنیما انڈسٹری کی تعمیر نو میں اپنی جان، وقت اور محنت لگائی۔

Lets build this industry with unity not on the basis of individuality.

— Maya Ali (@mayaali07) May 11, 2022

ایک اور ٹوئٹ میں انہوں نے لکھا کہ آئیے اس انڈسٹری کو انفرادیت کی بنیاد پر نہیں بلکہ ساتھ مل کر دوبارہ بنائیں۔

یاد رہے کہ اس سال عید الفطر کے موقع پر ریلیز ہونے والی پاکستان کی 4 اردو فلموں اور ایک پنجابی فلم کورونا وباء کے بعد باکس آفس پر اچھی کارکردگی دکھا رہی ہیں۔

لیکن سینما گھر مقامی پروڈکشنز پر غیر ملکی پروڈکشنز کو ترجیح دے رہے ہیں جبکہ فلم میکرز پاکستانی فلموں کیساتھ اس غیر منصفانہ سلوک پر شکایات کرتے نظرآرہے ہیں۔