بیس سالہ نوجوان اداکارہ کی پھندہ لگی لاش برآمد

ویب ڈیسک

15th May, 2022. 06:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیس سالہ نوجوان اداکارہ کی پھندہ لگی لاش برآمد

بنگالی ٹیلی ویژن انڈسٹری سے وابستہ 20 سالہ اداکارہ پلوی ڈے کی پھندہ لگی لاش برآمد ہوئی ہے۔

پولیس کے مطابق اتوار کی صبح پلوی کے گھر سے ان کی لاش برآمد ہوئی ہے، ابتدائی تفتیش کے بعد معاملہ خودکشی کا معلوم ہوتا ہے۔

پولیس نے اس غیر فطری موت کا مقدمہ درج کرکے مزید تفتیش شروع کردی ہے۔

پلوی کی لاش ان کے گھر میں لگے پنکھے سے لٹکی ملی تھی۔ پھندے سے لٹکا دیکھ کر انہیں فوراً اسپتال لے جایا گیا، لیکن اسپتال پہنچنے سے پہلے ہی پلوی کی روح پرواز کرچکی تھی۔ اسپتال پہنچتے ہی انہیں مردہ قرار دیا گیا۔

اداکارہ پلوی کی لاش کو پوسٹ مارٹم کے لیے بھیج دیا گیا ہے اور پولیس معاملے کی چھان بین میں لگ گئی ہے۔

پولیس کی جانب سے اداکارہ کے اس انتہائی اقدام کے پیھچے چھپی وجہ معلوم کرنے کی کوشش کی جارہی ہے۔

پلوی کی اچانک خودکشی کی خبر نے ہر کسی کو حیران و پریشان کردیا ہے۔ جو کہ بنگالی ٹی وی انڈسٹری کی ایک مشہور اداکارہ تھیں۔

پلوی ٹی وی شو “من مانے نہ” میں لیڈ رول میں نظر آرہی تھیں۔

انہیں بنگالی ٹی وی سیریل “ریشم جھنپی” میں کام کرنے کے بعد خاص شناخت ملی تھی۔

بنگلہ دیش میں مداحوں کی جانب سے پلوی کی اداکاری اور کرداروں کو کافی پسند کیا جاتا ہے۔