بیرسٹر سیف نے کہا ہے کہ آرٹیکل 63 اے کی تشریح سے متعلق سپریم کورٹ کا فیصلہ بہترین ہے۔

آئین کے آرٹیکل 63 اے کی تشریح سے متعلق صدارتی ریفرنس پر سپریم کورٹ کے فیصلے پر وزیراعلیٰ خیبرپختونخوا کے معاون خصوصی اطلاعات بیرسٹر محمد علی سیف نے سماجی رابطے کی ویب سائٹ ٹویٹر پر اپنے ایک پیغام میں اپنا ایک ویڈیو پیغام جاری کیا ہے۔

  اپنے پیغام میں انہوں نے کہا کہ آرٹیکل 63 اے کی تشریح سے متعلق سپریم کورٹ کا فیصلہ بہترین ہے، اس فیصلے سے ملک میں سیاسی چپقلش اور مایوسی کا خاتمہ ہوگا۔

Message on Presidential Reference on Article 63(a). pic.twitter.com/0vo1Qfqnl1

Advertisement

— Barrister Dr Muhammad Ali Saif (@SenatorSaif) May 17, 2022

وزیراعلیٰ خیبرپختونخوا کے معاون خصوصی اطلاعات بیرسٹر محمد علی سیف نے مزید کہا کہ امپورٹڈ حکومت ختم، جلد انتخابات کا اعلان کیا جائے۔

واضح رہے کہ سپریم کورٹ نے آرٹیکل 63 اے کی تشریح سے متعلق صدارتی ریفرنس پر فیصلہ سناتے ہوئے کہا کہ منحرف رکن کا ووٹ شمار نہیں ہوگا تاہم منحرف اراکین کی نااہلی سے متعلق سوال عدالت نے واپس بھجوادیا۔

چیف جسٹس نے آرٹیکل 63 اے کی تشریح سے متعلق فیصلہ سنانا شروع کیا۔ سپریم کورٹ کے 5 رکنی بینچ نے 2-3 سے فیصلہ دیا ہے۔ جسٹس مظہر عالم اور جسٹس جمال خان مندوخیل نے فیصلے سے اختلاف کیا۔

چیف جسٹس نے ریمارکس دیے کہ آرٹیکل 63 اے کو تنہا نہیں پڑھا جاسکتا ، 63 اے انحراف کو روکنے کے لیے آئین میں شامل کیا گیا ہے ، سیاسی جماعتیں ہماری جمہوریت کے لیے اہم ہیں اور پارٹی پالیسی سے انحراف کو کیسنر کہا گیا ہے جب کہ پارٹی کے سربراہ کو منحرف اراکینِ کے خلاف کارروائی کا اختیار دیا گیا ہے۔