سینٹرل پنجاب اور ناردرن  کی ٹیموں کے مابین  ملک کے سب  سے بڑے ڈومیسٹک ایونٹ قائد اعظم ٹرافی کا فائنل کل سے شروع ہوگا۔

تفصیلات کے مطابق قومی کرکٹ ٹیم نے حال ہی میں  سر ی لنکا کے خلاف تاریخی سیریز میں شاندار کامیابی حاصل کی ہے،اس شاندار جیت کے بعد اب قومی اسٹارز قائد اعظم ٹرافی کے فائنل میں جلوہ گر ہوں گے۔

قائد اعظم ٹرافی کا فائنل سینٹرل پنجاب اور ناردرن  کی ٹیموں کے مابین 27دسمبر سے نیشنل اسٹیڈیم کراچی میں ہوگا۔

Central Punjab and Northern captains @babarazam258 and Nauman Ali visited the Quaid Mausoleum and posed with the iconic trophy ahead of the much-anticipated #QeA19 final. pic.twitter.com/WMDEbw7cNZ

Advertisement

— Pakistan Cricket (@TheRealPCB) December 26, 2019

ایونٹ کا فائنل پی ٹی وی اسپورٹس اور ٹین اسپورٹس پر براہ راست نشر کیا جائے گا جبکہ میچ میں ہرلمحہ بدلتی صورتحال سے متعلق تمام تر تفصیلات پی سی بی کے سوشل میڈیا اکاؤنٹس پر بھی جاری  کی جاتی رہیں گی۔

سوشل میڈیا پر میچ کی ایکشن تصاویر سمیت اردو اور انگریزی میں میچ رپورٹس بھی شائع کی جائیں گی۔

کراچی ٹیسٹ میں کئی منفرد ریکارڈز پاکستان کے نام

ایونٹ کی فاتح ٹیم کوایک کروڑ  روپے اور رنرز اپ کو پچاس لاکھ روپے کی انعامی رقم دی جائے گی۔

فائنل میں قومی ٹیسٹ ٹیم کے کپتان اظہر علی اورمڈل آرڈر بیٹسمین  بابر اعظم سینٹرل پنجاب کی نمائندگی کریں گے جبکہ دوسری طرف قومی  انڈر 19 کرکٹ ٹیم کے کپتان روحیل نذیر اور اوپنر حیدر علی ناردرن کےا سکواڈ کا حصہ ہیں۔

واضح رہے کہ قائداعظم ٹرافی میں سینٹرل پنجاب اور ناردرن  کا سفر انتہائی دلچسپ رہا ہے۔ اس دوران پوائنٹس ٹیبل پر دونوں ٹیموں کے درمیان صرف تین پوائنٹس کا فرق رہا۔
آخری راؤنڈ کے اختتام پر سینٹرل پنجاب 133 پوائنٹس کے ساتھ پہلے جبکہ ناردرن 130 پوائنٹس کے ساتھ دوسرے نمبر پر رہی۔

فائنل میں ناردرن کی ٹیم راؤنڈ میچز میں شکست کا بدلہ لینے کے لیے بے قرار ہوگی کیونکہ اس سے قبل دونوں ٹیمیں 2 مرتبہ ایونٹ میں ایک دوسرے کے مدمقابل آچکی ہیں  مگر دونوں میچزمیں فتح کی دیوی سینٹرل پنجاب پر مہربان رہی ہے۔