سازش کے ذریعے ملک پر مسلط کی گئی حکومت کا کوئی مستقبل نہیں ہے، شفقت محمود

ویب ڈیسک

23rd May, 2022. 05:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سازش کے ذریعے ملک پر مسلط کی گئی حکومت کا کوئی مستقبل نہیں ہے، شفقت محمود

شفقت محمود نے کہا ہے کہ سازش کے ذریعے ملک پر مسلط کی گئی حکومت کا کوئی مستقبل نہیں ہے۔

پاکستان تحریک انصاف کے رہنما شفقت محمود سے ن لیگ کے ایم پی اے میاں جلیل احمد شرقپوری نے پارٹی آفس میں ملاقات کی جس میں میاں جلیل احمد شرقپوری نے حقیقی آزادی مارچ کی حمایت کا اعلان کیا۔

شفقت محمود نے کہا ہے کہ سازش کے ذریعے ملک پر مسلط کی گئی حکومت کا کوئی مستقبل نہیں ہے، حقیقی آزادی مارچ میں شرکت کے لئے عوام میں بڑا جوش وجذبہ پایا جا رہا ہے۔

انہوں نے کہا کہ ن لیگ کی تجربہ کار حکومت کے ہاتھ پاؤں پھول چکے ہیں۔

میاں جلیل احمد شرقپوری نے کہا ہے کہ این اے 120 سے حقیقی آزادی مارچ میں بھرپور شرکت کریں گے، امپورٹڈ حکومت بیرونی قوتوں کے کندھے استعمال کر کے اقتدار میں آئی ہے۔

انہوں نے کہا کہ بیرونی قوتوں کے ہاتھوں استعمال ہونے والوں کا کوئی مستقبل نہیں ہے۔

مسرت جمشید چیمہ نے کہا کہ ملک کی موجودہ سیاسی صورتحال کا واحد حل نئے انتخابات میں ہے، حقیقی آزادی مارچ کے اعلان سے امپورٹڈ حکومت کی ٹانگیں کانپنا شروع ہو گئی ہیں۔

اس موقع پر سیکرٹری اطلاعات پنجاب مسرت جمشید چیمہ، ضلعی صدر شیخوپورہ کنور عمران سعید، حاجی اقبال، معراج خالد گجر اور سعید موجود تھے۔