موٹرولا نے جون میں 200 میگاپکسل کیمرے کا اعلان کردیا

ویب ڈیسک

24th May, 2022. 01:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موٹرولا نے جون میں 200 میگاپکسل کیمرے کا اعلان کردیا

ایک عرصے سے یہ افواہیں گرم تھیں کہ موٹرولا جلد اپنا مرکزی اور مشہور فون لارہا ہے جس میں کیمرے اور ریزولوشن کو اہمیت دی جائے گی۔ اب اس کا اعلان ہوگیا ہے اور اگلے ماہ موٹرولا 200 میگاپکسل کیمرہ پیش کررہا ہے۔

چینی کمپنی نے کہا ہے کہ نیا موٹوفون کیمرہ لیکن اب بھی اس کا آفیشل نام نہیں بتایا جارہا ہے۔ بعض تجزیہ نگاروں نے کہا ہے کہ شاید اس کا نام ’موٹرولا فرنٹیئر‘ ہوسکتا ہے۔

اس سے ایک ہفتے قبل موٹرولا نے اعلان کیا تھا کہ اس کے اگلے فلیگ شپ فون میں نئی اسنیپ ڈریگن 8 پلس جنریشن ون چپ سیٹ نصب ہوگی جو اسے مزید تیزرفتار بنائے گی۔

بعض تجزیہ نگاروں نے بتایا ہے کہ موٹرولا نے اس پر بہت محنت کی ہے اور فون سے بہت سی امیدیں وابستہ ہیں۔ اس کے اسکرین کی لمبائی 6 اعشاریہ 67 انچ اور خمیدہ بتائی جارہی ہے۔ اویل ای ڈی ڈسپلے کے ساتھ ریفریش ریٹ 144 ہرٹز رکھا گیا ہے۔

تاہم 200 میگاپکسل مرکزی (پرائمری) فون کے علاوہ اس میں مزید تین کیمرے بھی ہوں گے۔ جن میں سے ایک 50 میگاپکسل الٹراوائڈ سینسر اور 12 میگاپکسل کا ٹیلی فوٹو لینس اور سینسر بھی موجود ہوگا۔ اس کے علاوہ چارجر 120 واٹ کا دیا جائے گا جو بہت تیزی سے فون چارج کرے گا جبکہ 50 واٹ وائرلیس چارجنگ کی سہولت موجود ہوگی۔ وائرلیس چارجنگ کے لیے فون کے اندر خصوصی کوائل نصب کی جائے گی۔