دعا زہرہ کیس دن بدن ایک نیا رخ اختیار کرتا جارہا ہے، ایک طرف والدین کو خدشہ ہے کہ ان کی بیٹی غلط ہاتھوں میں چلی گئی ہے تو دوسری جانب دعا زہرہ کے بیانات سامنے آرہے ہیں کہ اسے تنگ نہ کیا جائے، وہ اپنی مرضی سے گئی ہے اور خوش ہے۔

لیکن اس بار جو ویڈیو سوشل میڈیا پر وائرل ہو رہی ہے، اسے دیکھ کر لگتا ہے کہ واقعی دعا زہرہ خوش ہے۔

حالیہ ویڈیو میں دعا کو اپنے شوہر ظہیر اور سسرالیوں کے ہمراہ سالگرہ مناتے دیکھا جاسکتا ہے۔

ویڈیو میں دعا کیک کاٹ رہی ہے اور جوڑا ایک دوسرے کے ساتھ خوش نظر آرہا ہے۔

ویڈیو دیکھنے والوں نے دونوں کو ایک ساتھ دیکھ کر یہ سوال بھی پوچھا کہ کیا واقعی یہ خوش ہیں یا پھر ویڈیو زبردستی یہ دکھانے کے لیے بنوائی گئی ہے کہ دعا اپنے شوہر کے ساتھ خوش ہے۔

بظاہر ویڈیو میں ظہیر اور اس کے گھر والے بہت خوش نظر آرہے ہیں۔

خیال رہے کہ آج سے 2 دن قبل قانون نافذالے اداروں نے نکاح خواں کو گرفتار کیا تھا اور یہ کہا گیا تھا کہ نکاح جھوٹا ہے۔

ساتھ ہی دعا کے والد نے یہ خدشہ ظاہر کیا تھا کہ بیٹی مشکل میں ہے، اس کو پھنسایا جا رہا ہے۔

کیس میں فی الحال کوئی بھی بات حتمی طور پر نہیں کہی جا سکتی کیونکہ مزید تفتیش جاری ہے اور امید ظاہر کی جارہی ہے کہ جلد از جلد اس کیس کے تمام پہلوؤں کو حل کیا جائے گا اور مجرموں کو سزا دی جائے گی۔