ایک افریقی ہاتھی تصویر کھینچنے پر غصے میں آگیا اور لڑکی کے منہ پر اپنی سونڈ مار دی۔

انٹرنیٹ پر ایک ویڈیو خوب وائرل ہوگئی ہے جس میں ہاتھی نے غصے میں آکر لڑکی کے منہ پر اپنی سونڈ ماردی۔

وائرل ویڈیو میں دیکھا جاسکتا ہے کہ لوگوں کا ایک گروپ ہاتھی کے پاس کھڑا ہے ان میں سے کچھ اس کی سونڈ کو چھونے کی کوشش کر رہے ہیں اور اس کے ساتھ کھیل رہے ہیں۔

جسے ہی ایک لڑکی نے اپنا اسمارٹ فون نکال کر ہاتھی کی تصویر کھینچنی چاہی تو وہ غصے میں آگیا اور اپنی سونڈ سے لڑکی پر حملہ کردیا۔

ویڈیو میں لڑکی کا فون ہاتھ سے گر جاتا ہے جسے ہاتھی اپنی سونڈ سے اٹھانے کی کوشش کرتا ہے۔

“Come a little closer!” pic.twitter.com/EfDjl4EoW0

— CCTV_IDIOTS (@cctv_idiots) May 22, 2022

واقعہ بیان کرتے ہوئے لڑکی نے بتایا کہ مجھے لگا جیسے 10 لوگوں نے مجھے ایک ساتھ مارا تھا اور میں پیچھے کی طرف گری ،میرا فون بھی زمین پر گر گیا۔

رپورٹ کے مطابق امریکی ریاست پنسلوانیا سے تعلق رکھنے والی لڑکی اپنے ہائی اسکول کے ساتھ زیمبیا میں 12 روزہ دورے پر تھی جب یہ واقعہ پیش آیا۔

ویڈیو پر سوشل میڈیا صارفین کی جانب سے تبصروں کا سلسلہ جاری ہے جبکہ کچھ لوگوں کا کہنا ہے کہ اسمارٹ فون کی وجہ سے ہاتھی کو چڑچڑاپن آیا۔

ایک صارف نے لکھا کہ میں نے کہیں پڑھا، بعض اوقات جانور کیمروں سے کتراتے ہیں کیونکہ وہ انہیں بندوق سمجھتے ہیں۔

 دوسرے صارف نے لکھا کہ جب آپ بغیر اجازت تصویر کلک کرتے ہیں۔