قومی کرکٹ ٹیم کے بلے باز اور ٹی ٹوئنٹی بلاسٹ میں ڈربی شائر کی کپتانی کرنے والے شان مسعود نے ایک بار پھر خود کو منوایا۔
تفصیلات کے مطابق لیسٹر شائر کے خلاف شان مسعود نے لوئس ریس کے ساتھ بلے بازی کا آغاز کیا اور جاری وائٹلٹی بلاسٹ مقابلے میں 43 گیندوں پر 53 رنز کی عمدہ اننگز کھیلی۔
شان مسعود کی اننگ میں چار چوکے شامل تھے اور اپنی ٹیم کو 160 کے قابل دفاع مجموعے تک لے گئے۔
جواب میں لیسٹر شائر کی بیٹنگ تباہ ہو گئی اور پوری ٹیم 89 رنز پر ڈھیر ہوگئی ۔
شان مسعود کو شاندار اننگ کھیلنے پر میچ کا بہترین کھلاڑی قرار دیا گیا۔
Advertisement
کاؤنٹی چیمپیئن شپ کے ڈویژن دو میں، وہ اب تک سب سے زیادہ رنز بنانے والے کھلاڑی ہیں اور ان کی شاندار فارم کی وجہ سے، انہیں وائٹلٹی بلاسٹ میں ڈربی شائر کا کپتان نامزد کیا گیا۔
شان مسعود نے 25 ٹیسٹ میچوں میں پاکستان کی نمائندگی کی اور مجموعی طور پر تمام فارمیٹس کے 300 میچوں میں حصہ لیا۔
32 سالہ کھلاڑی نے 31 سنچریاں اسکور کی ہیں اور ان کے 14 سنچریاں لسٹ-اے (50 اوورز)کرکٹ میں آئیں جہاں ان کی اوسط 57.46 ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
