کرکٹ سے بریک لیں دماغ کو تازہ کریں،بریٹ لی کا ویرات کوہلی کو مشورہ

ویب ڈیسک

29th May, 2022. 09:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کرکٹ سے بریک لیں دماغ کو تازہ کریں،بریٹ لی کا ویرات کوہلی کو مشورہ

آسٹریلیا کے سابق مایہ ناز فاسٹ بولر بریٹ لی نے بھارتی بلے باز ویرات کوہلی کو مشورہ دیا ہے کہ کرکٹ سے تھوڑا بریک لیں اور دماغ کو تازہ کریں۔

تفصیلات کے مطابق ویرات کوہلی نے آئی پی ایل 2022 میں ایک مشکل وقت کا سامنا کیا، 22.73 کی کم اوسط سے صرف 341 رنز بنائے۔

آٹھ سالوں میں یہ صرف دوسرا موقع ہے جب دائیں ہاتھ کے بلے باز آئی پی ایل کے سیزن میں 400 رنز کا ہندسہ عبور کرنے میں ناکام رہے ہیں۔

بریٹ لی نے کہا کہ حقیقت یہ ہے کہ ویرات کوہلی آر سی بی کے لیے اہم میچز میں حصہ نہیں ڈال پا رہے تھے اس سے بھارتی شائقین پریشان ہوں گے کیونکہ وہ چاہتے ہیں کہ کوہلی اس سال کے آخر میں ٹی ٹوئنٹی ورلڈ کپ سے پہلے مکمل طور پر واپس اپنی فارم میں آجائیں۔

انہوں نے کہا کہ سب سے مشکل بات یہ ہے کہ جب ویرات کوہلی رنز نہیں بناتے توعام طور پر ٹیم اچھی کارکردگی نہیں دکھاتی ہے۔

بریٹ لی نے مزید کہا کہ شاید یہ ویرات کوہلی کے لیے ایک موقع ہے کہ وہ واپس جائیں اور کچھ چیزوں پر کام کرنے کی کوشش کریں اور کرکٹ سے آرام کریں۔