کرکٹ کی بحالی میں کردار ادا کرنے پر ویسٹ انڈیز کے سابق کپتان ڈیرن سیمی کو ستارہ پاکستان سے نواز دیا گیا ہے۔

ویسٹ انڈیز کے سابق کپتان ڈیرن سیمی نے پاکستان میں بین الاقوامی کرکٹ کی بحالی کے لیے اہم کردار ادا کیا ہے جبکہ انہیں خدمات کے عوض ستارہ پاکستان سے نوازا گیا ہے۔

ڈیرن سیمی نے سماجی رابطے کی مائیکرو بلاگنگ ویب سائٹ ٹوئٹر پر تصاویر شیئر کی ہیں جس میں انہیں ستارہ پاکستان سے نوازا جارہا ہے۔

There it is👇🏾👇🏾👇🏾me collecting the
Sitara-I-Pakistan award 🥇. Such a proud moment https://t.co/Dv82dZ9fMC pic.twitter.com/W9FZjBQxaF

— Daren Sammy (@darensammy88) May 30, 2022

ان تصاویر کو شیئر کرتے ہوئے ان کا کہنا تھا کہ ’جی ہاں یہ میں ہوں جسے ستارہ پاکستان سے نوازا جارہا ہے جو کہ میرے لیے فخر کی بات ہے‘۔

ڈیرن سیمی کو پاکستان میں کرکٹ کی بحالی کے لیے خدمات سر انجام دینے پر ستارہ پاکستان کے اعزاز سے نوازنے پر شائقین کی جانب سے اس اقدام کو خوب سراہا جارہا ہے جبکہ انہیں مبارک باد بھی پیش کی جارہی ہیں۔

واضح رہے کہ اس سے قبل 27 مئی کو ڈیرن سیمی نے ایک مختصر ویڈیو بھی ٹوئٹر پر شیئر کی تھی جس میں انہیں قیمض شلوار پہنے گھر سے نکل کر جاتے ہوئے دیکھا گیا تھا۔

Guess what I’m receiving today?? pic.twitter.com/MBnx7xEvzV

— Daren Sammy (@darensammy88) May 27, 2022

اس ویڈیو کو شیئر کرتے ہوئے ڈیرن سیمی کا کہنا تھا کہ ’اندازہ لگائیں آج میں کیا حاصل کرنے جارہا ہوں‘۔