عالیہ حمزہ نے کہا ہے کہ مطالبہ ہے کہ فاشسٹ حکومت کو عوام کو ہراساں کرنے سے باز رکھا جائے۔

پاکستان تحریک انصاف کی رہنما عالیہ حمزہ نے ہیومن رائٹس کی تنظیموں کو خطوط ارسال کیے ہیں جن میں انہوں نے پر امن لانگ مارچ اور شرکا سے فاشسٹ حکومت کا رویہ بیان کیا ہے۔

عالیہ حمزہ نے پر امن احتجاجیوں کے ساتھ ناروا سلوک اور بدترین ریاستی دہشتگردی کی ویڈیوز بھی بھجوائی ہیں۔

انہوں نے کہا خطوط میں لکھا ہے کہ آئین کے تحت پر امن احتجاج کا حق کسی بھی سیاسی جماعت کو حاصل ہے، فاشسٹ حکومت نے آئین اور قوانین کی خلاف ورزی کی، نہتے مظاہرین پر پیلٹ گنز، زائد المعیاد شیلنگ کا بے دریغ استعمال کیا گیا۔

پاکستان تحریک انصاف کی رہنما نے لکھا کہ فاشسٹ حکومت نے چادر و چاردیواری کو پامال کر کے کارکنوں کو گرفتار کیا، پرامن مظاہرین پر شیلنگ کی گئی، جس کی جنگ میں بھی استعمال پر پابندی ہے۔

انہوں نے لکھا کہ انسانی حقوق کی تنظیموں سے اپیل ہے کہ فاشسٹ کو ایسے اقدام سے روکے، مطالبہ ہے کہ فاشسٹ حکومت کو عوام کو ہراساں کرنے اور بدترین ریاستی دہشتگردی سے باز رکھا جائے۔

عالیہ حمزہ نے لکھا کہ انسانی حقوق کی تنظیمیں حکومتی ریاستی دہشتگردی، پیلٹ گنز کے استعمال اور ایکسپائرڈ شیلنگ کے استعمال کی تحقیقات کرے۔

پاکستان تحریک انصاف کی رہنما نے خطوط میں لکھا کہ فاشسٹ حکومت نے دہشتگردوں کے خلاف استعمال ہونے والی ایکسپائرڈ شیلنگ پرامن مارچ کرنے والوں پر کی، فاشسٹ حکومت نے عورتوں اور بچوں کی پرواہ کیے بغیر ریاستی دہشتگردی جاری رکھی۔