فولڈیبل فون کی دوڑ میں ہواوے سام سنگ کے تعاقب میں- بول نیوز

فولڈیبل فون کی دوڑ میں ہواوے سام سنگ کے تعاقب میں

ویب ڈیسک

01st Jun, 2022. 02:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فولڈیبل فون کی دوڑ میں ہواوے سام سنگ کے تعاقب میں

سب جانتے ہیں کہ دنیا بھر میں اس وقت فولڈایبل یا اسکرین کے ساتھ بند ہوجانے والے فون میں سام سنگ کا کوئی ثانی نہیں لیکن اس دوڑ میں اب ہواوے نے بھی جست لگائی ہے اور وہ گزشتہ برس ہی اس مارکیٹ کا بیس فیصد حصہ حاصل کرچکا ہے۔

دوسری دلچسپ بات یہ ہے کہ سام سنگ اور ہواوے، دونوں نے ہی سال 2019 میں اپنے اپنے فولڈیبل فون پیش کردیئے تھے۔ لیکن اس دوڑ میں سام سنگ نے واضح برتری حاصل کرلی تھی اور اب بھی وہ پہلے نمبر پر ہے تاہم ہواوے نے اپنے سخت حریف کو کچھ نہ کچھ سوچنے پر مجبور کیا ہے۔

دلچسپ بات یہ ہے کہ گزشتہ برس کی پہلی سہ ماہی میں ہواوے کے فولڈ ہوجانے والے میٹ ایکس ٹو کی مارکیٹ 40 سے 50 فیصد تک تھی۔ لیکن جیسے ہی سام سنگ گیلکسی نے اپنے دو ماڈل پیش کئے ہواوے کا گراف تیزی سے نیچے گرا۔ تاہم کمپنی نے اپنی کوششیں جاری رکھیں۔

لیکن پھر گزشتہ برس کے آخری حصے یا تیسری سہ ماہی میں ہواوے پی 50 پاکٹ نے بڑی شان سے مارکیٹ میں قدم رکھا۔ یہ گیلکسی زیڈ فلپ تھری کاگویا جواب تھا۔ اس کے بعد ہواوے کے فولڈ ہونے والے اسمارٹ فون کی فروخت دوبارہ بڑھی اور اس کی گونج دنیا میں سنائی دی۔

اب دلچسپ بات یہ ہے کہ اس سال کی پہلی سہ ماہی میں بھی ہواوے کے فون کی پرواز جاری ہے۔