کراچی کے علاقے چیل چورنگی پر قائم سپر اسٹور کے بیسمنٹ میں لگنے والی آگ پر 22 گھنٹے بعد بھی قابو نہیں  پایا جاسکا۔

اس حوالے سے فائر برگیڈ حکام کا کہنا ہے کہ سپر اسٹور کے گراونڈ فلور پر تاحال آگ لگی ہوئی بہت زیادہ دھواں ہونے کی وجہہ سے ریسکیو آپریشن میں پریشانی کا سامنا ہے۔

فائر برگیڈ کا عملہ ریسکیو ادارے کام کرنے میں مصروف ہیں جبکہ عمارت کے تمام  رہائشی منتقل ہوچکے ہیں۔

فائر برگیڈ حکام کا کہنا ہے کہ بائیس گھنٹے گزر جانے کے باوجود سپر اسٹور جیل چورنگی میں لگی آگ پر قابو نہ پایا جاسکا ہے۔

انہوں نے بتایا کہ فرسٹ فلور پر معمولی آگ جس کے لیے فائر برگیڈ کی نو گاڑیاں اب بھی کام کرہی ہیں جبکہ مکمل کنٹرول اور کولنگ کے عمل میں اب بھی چار سے پانچ گھنٹے لگ سکتے ہیں۔

خیال رہے کہ کراچی جیل چورنگی کے قر یب سپر اسٹور کے وئیر ہاؤس میں آگ لگنے کا واقعہ بدھ کی صبح پیش آیا تھا ۔

ابتدائی طور پر اسٹور کے عملے نے اپنی مدد آپ کے تحت آگ بجھانے کی کوشش کی لیکن ناکامی کی صورت میں آگ عمارت کی پہلی منزل تک جاپہنچ گئی تھی۔

سندھ رینجرز اور ریسکیو حکام سمیت فائر بریگیڈ کا عملہ آگ بجھانے کے عمل میں مصروف ہیں ۔

دوسری جانب پاک بحریہ کی جانب سے بھی  کراچی کے علاقے جیل چورنگی کے قریب واقع سپر اسٹور میں لگی آگ بجھانے میں معاونت فراہم کی جارہی ہے۔