مہنگائی کا جو طوفان آیا ہے اس کو ہم بھی محسوس کررہے ہیں، شہرام ترکئی

ویب ڈیسک

03rd Jun, 2022. 02:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مہنگائی کا جو طوفان آیا ہے اس کو ہم بھی محسوس کررہے ہیں، شہرام ترکئی

خیبر پختونخوا کے وزیر تعلیم شہرام ترکئی کا کہنا ہے کہ مہنگائی کا جو طوفان آیا ہے اس کو ہم بھی محسوس کررہے ہیں۔

صوبائی وزیر شہرام ترکئی اور سابق گورنر شاہ فرمان نے عدالت میں پیشی کے بعد پشاور میں میڈیا سے گفتگو کرتے ہوئے کہا کہ یہ جھوٹے مقدمہ بنائیں گے لیکن اس حکومت نے جو مہنگائی کی ہے اس کا کیا کریں گے۔

شہرام ترکئی نے کہا کہ اب تو مہنگائی کے خلاف 22 کروڑ عوام نکلیں گے تو کیا یہ عوام کے خلاف بھی ایف آئی آر درج کریں گے؟ انہوں نے جو شیلنگ کی ہے ایسا تو کبھی پہلے نہیں ہوا۔

صوبائی وزیر کا کہنا ہے کہ مہنگائی کا جو طوفان آیا ہے اس کو ہم بھی محسوس کر رہے ہیں، امپورٹڈ حکومت کے خلاف عوام نکلے اور پرامن احتجاج کریں۔

دوسری جانب شاہ فرمان نے میڈیا سے گفتگو کرتے ہوئے کہا کہ جس وزیر داخلہ پر منشیات کیس میں فرد جرم عائد ہونا ہو تو اس کی ذہنی حالت کیا ہوگی، جو قانونی حق ہے وہ استعمال کریں گے۔

انہوں نے مزید کہا کہ عوام امپورٹڈ حکومت کے ساتھ نہیں ہیں، پہلی دفعہ سن رہا ہوں کہ ایک وزیراعظم پر یہ الزام لگا کہ انہوں نے عوام کو ریلیف کیوں دیا۔