پاکستان کا عالمی برادری سے انسانی حقوق کی خلاف ورزیاں بند کرانے کا مطالبہ

ویب ڈیسک

03rd Jun, 2022. 03:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کا عالمی برادری سے انسانی حقوق کی خلاف ورزیاں بند کرانے کا مطالبہ

ترجمان دفتر خارجہ عاصم افتخار کا کہنا ہے کہ پاکستان نے عالمی برادری سے مطالبہ کیا ہے کہ وہ بھارت کی جانب سے کی جانے والی انسانی حقوق کی خلاف ورزیاں بند کرائے۔

ترجمان دفترخارجہ عاصم افتخار احمد نے صحافیوں کو ہفتہ وار بریفنگ دیتے ہوئے کہا ہے کہ 30 اور 31 مئی کو پاک بھارت سندھ طاس آبی کمشنرز کا نئی دلی میں اجلاس ہوا، فریقین نے سندھ طاس معاہدے کی حقیقی روح کے مطابق عملدرآمد کرانے کے عزم کا اظہار کیا۔

انہوں نے کہا کہ پاکستان نے سندھ طاس آبی کمشنرز کے اجلاس میں اپنے تحفظات پیش کیے، 28 مئی کو پاکستان نے ایٹمی دھماکے کیے تھے، 29 مئی کو پاکستان نے اقوام متحدہ کے امن دستوں کی تقریب میں شرکت کی۔

عاصم افتخار نے کہا ہے کہ ملکہ برطانیہ کی پلاٹینم جوبلی تقریبات کے حوالے سے برطانوی ہائی کمیشن کے ساتھ مل کر بیکن لائٹ تقریب کا انعقاد کیا گیا۔

ترجمان دفترخارجہ نے کہا کہ مقبوضہ کشمیر میں بھارتی مظالم جاری ہیں، ایک خود ساختہ فیصلے کے تحت حریت رہنما یاسین ملک کو سزا سنائی گئی، پاکستان عالمی برادری پر دباؤ ڈالتا ہے کہ وہ مقبوضہ کشمیر میں مظالم اور انسانی حقوق کی خلاف ورزیاں بند کرائے۔