سندھ کے سابق گورنر عمران اسماعیل نے کہا ہے کہ مفتاح اسماعیل فوری طور مستعفی ہوکرعوام کو تھوڑا رلیف دے سکتے ہیں۔

سماجی رابطے کی ویب سائٹ ٹوئٹڑ پر اپنے جاری کردہ ٹوئٹ پیغام میں  عمران اسماعیل نے لکھا کہ امپورٹڈ حکومت کے نالائق اور نااہل کٹھ پتلی وزراء اپنے تجربے غریب عوام پر کررہے ہیں،  بجلی پیٹرول کے بعد گیس کی قیمتوں میں اضافہ شرمناک عمل ہے۔

امپورٹڈ حکومت کے نالائق اور نااہل کٹھ پتلی وزراء اپنے تجربے غریب عوام پر کررہے ہیں بجلی پیٹرول کے بعد گیس کی قیمتوں میں اضافہ شرمناک عمل ہے IMF نے جھکنے کا کہا تو مفتاح اپنے باسز سمیت لیٹ ہی گئے ہیں، مفتاح اسماعیل فوری طور مستعفی ہوکرعوام کو تھوڑا رلیف دے سکتے ہیں

— Imran Ismail (@ImranIsmailPTI) June 4, 2022

جاری کردہ ٹوئٹ میں سابق گورنر سندھ لکھتے ہیں کہ آئی ایم ایف نے جھکنے کا کہا تو مفتاح اپنے باسز سمیت لیٹ ہی گئے۔

انہوں نے مزید کہا کہ  مفتاح اسماعیل فوری طور مستعفی ہوکرعوام کو تھوڑا رلیف دے سکتے ہیں۔

واضح رہے کہ حکومت نے بجلی اورپیٹرولیم مصنوعات میں اضافے کے بعدگیس کی قیمتوں میں بھی بڑا اضافہ کرنے کا فیصلہ کرلیا ہے۔

آئل اینڈ گیس ریگولیٹری اتھارٹی ( اوگرا) نے گیس کی قیمت میں 45 فیصد اضافے کی سمری وفاقی حکومت کوبھجوا دی ہے۔

ذرائع کا کہنا ہے اوگرا کے فیصلے پروفاقی حکومت نوٹیفیکیشن جاری کرے گی۔ تاہم، حکومت گیس کی قیمتوں میں سبسڈی دے کراس اضافے کوروک سکتی ہے۔

اوگرا نے سوئی نادرن کے لیے گیس کے ٹیرف میں 45 فیصد اورسوئی سدرن کے لیے 44 فیصد اضافے کی منظوری دے دی ہے۔