بالی ووڈ کی معروف اداکارہ کترینہ کیف بھی کورونا وائرس کا شکار ہوگئی ہیں۔

غیر ملکی خبر رساں ادارے کے مطابق حالیہ چند دونوں سے معروف بھارتی اداکار کرونا سے متاثر ہورہے ہیں، جس کی وجہ ممکنہ وجہ کرن جوہر کی گزشتہ ماہ ہونے والی برتھ ڈے پارٹی کو قرار دیا جارہا ہے۔

 گزشتہ روز بالی ووڈ اسٹار کارتک آریان اور ادتیا رائے کپور کے کرونا میں مبتلا ہونے کی تصدیق ہوئی تھی۔

خیال رہے کہ اداکار شاہ رخ خان بھی عالمی وبا کورنا وائرس کا شکار ہوگئے ہیں۔

تاہم شاہ رخ اور کترینہ نے کرونا ٹیسٹ مثبت آنے پر فلموں کی شوٹنگ سمیت اپنی روز مرہ کی سرگرمیاں عارضی طور پر روک دی ہیں اور خود کو قرنطینہ کرلیا ہے۔

کورونا میں مبتلا ہونے کے سبب ہی کترینہ کیف نے گزشتہ روز ابوظہبی میں ہونے والی 22 ویں انٹرنیشنل انڈین فلم اکیڈمی ایوارڈ کی تقریب میں بھی شرکت نہیں کی۔

دوسری جانب 22 ویں انٹرنیشنل انڈین فلم اکیڈمی ایوارڈ کی تقریب میں اداکارہ کترینہ کے شوہر وکی کوشل کو فلم سردار ادھم میں بہترین اداکاری پر بیسٹ میل ایکٹر کے ایوارڈ سے نوازا گیا ہے۔

قابلِ غور بات یہ ہے کہ نامور فلم ساز کرن جوہر کی 25 مئی کو ہونے والی سالگرہ کی تقریب میں شریک 55 مہمانوں کا کورونا ٹیسٹ مثبت آیا ہے۔

واضح رہے کہ اس برتھ ڈے پارٹی میں سلمان خان، شاہ رخ خان، عامر خان، اور سیف علی خان، ہریتک روشن، کترینہ کیف، کرینہ کپور، ایشوریہ رائے اور رانی مکھرجی سمیت دیگر نے شرکت کی تھی۔

More information regarding Shah Rukh and