ایلون مسک اورٹوئٹرانتظامیہ کے درمیان 44 ارب ڈالرکے معاہدے کے بعد ایسی سرد جنگ شروع ہوگئی ہے جس میں کمی کسی صورت ممکن نظرنہیں آرہی۔

ایلون مسک نے ٹوئٹرپرموجود لاکھوں کی تعداد میں جعلی اوراسپیم اکاؤنٹس کی وجہ سے مائیکروبلاگنگ پلیٹ فارم کے ساتھ ہونے والے معاہدے کوہولڈ کررکھا ہے۔

دوسری جانب ٹوئٹرانتظامیہ نے بھی شاید اس معاہدے کو پایہ تکمیمل تک نہ پہنچانے کی قسم کھا رکھی ہے۔

ایلون مسک کے وکلاٗء نے ٹوئٹرانتظامیہ کو لکھے گئے خط میں کہا ہے کہ ’ مسک کو یقین ہے کہ کمپنی ( ٹوئٹر) بہت سرگرمی سے ان کے معلومات کے حقوق کی خلاف ورزی کر رہی ہے۔‘

یہ بھی پڑھیں: ڈونلڈ ٹرمپ نے ایلون مسک کو ٹوئٹر خریدنےکی ترغیب دی، سی ای او ٹرتھ سوشل

ٹوئٹرکولکھے گئے خط میں کہا گیا ہے کہ اگرسوشل میڈیا پلیٹ فارم انہیں جعلی اوراسپیم اکاؤنٹ کا ڈیٹا دینے میں ناکم رہا توپھروہ ٹوئٹرکے ساتھ  ہونے والی 44 ارب ڈالرکے معاہدے سے پیچھے ہٹ سکتے ہیں۔ خط میں مزید کہا گیا ہے کہ ایلون مسک کے پاس اس انضمامی معاہدے کو ختم کرنے کے تمام حقوق محفوظ ہیں۔

مزید پڑھیں: صارفین کے حقوق کی سنگین خلاف ورزی، ٹوئٹرپرلاکھوں ڈالرجرمانہ عائد

خط کے متن میں یہ بھی کہا گیا ہے کہ ٹیسلا بانی کو اس بات کا بھی یقین ہے کہ ٹوئٹر کی جانب سے انضمامی معاہدے کے ضوابط پرعمل درآمد کے بجائے حیل حجت سے کام لینا مزید شکوک و شبہات پیدا کررہا ہے۔

واضح رہے کہ گزشتہ ماہ کی تیرہ تاریخ کو ایلون مسک نےمائیکرو بلاگنگ ویب سائٹ کے ساتھ ہونے والے معاہدے کو ’ہولڈ‘ کرنے کی ٹوئٹ کرکے ٹیکنالوجی اورکاروباری حلقوں میں ہلچل پیدا کردی تھی۔

یہ بھی پڑھیں: ڈونلڈ ٹرمپ نے ایلون مسک کو ٹوئٹر خریدنےکی ترغیب دی، سی ای او ٹرتھ سوشل

مسک نے اپنی ٹوئٹ میں دو مئی کوغیرملکی خبررساں ایجنسی رائٹرزکی ایک رپورٹ کا لنک بھی منسلک کیا تھا جس میں ٹوئٹرکوجعلی اوراسپیم اکاؤنٹس کی وجہ سے درپیش مسائل کواحاطہ تحریرمیں لایا گیاتھا۔

Twitter deal temporarily on hold pending details supporting calculation that spam/fake accounts do indeed represent less than 5% of usershttps://t.co/Y2t0QMuuyn

— Elon Musk (@elonmusk) May 13, 2022

اس معاہدے کوہولڈ کرنے کے حوالے سے ایلون مسک کا کہنا تھا کہ ’ٹوئٹرپرجعلی اوراسپیم اکاؤنٹس کی بڑی تعداد کی وجہ سے اس معاہدے کوعارضی طورپرروکا گیا ہے۔ ‘