پاک فوج بطور پروفیشنل ادارہ ہمیشہ اپنی ذمہ داریاں پوری کرےگی،آرمی چیف

ویب ڈیسک

08th Jun, 2022. 06:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک فوج بطور پروفیشنل ادارہ ہمیشہ اپنی ذمہ داریاں پوری کرےگی،آرمی چیف

آرمی چیف نے کہا ہے کہ پاک فوج بطور پروفیشنل ادارہ ہمیشہ اپنی ذمہ داریاں پوری کرے گی۔

پاک فوج کے شعبہ تعلقات عامہ ( آئی ایس پی آر ) کے مطابق جی ایچ کیو میں فارمیشن کمانڈرز کانفرنس منعقد کی گئی، آرمی چیف جنرل قمر جاوید باجوہ نے کانفرنس کی صدارت کی۔

آئی ایس پی آر کے مطابق کانفرنس میں کورز کمانڈرز، پرنسپل اسٹاف افسران اور پاک فوج کے تمام فارمیشن کمانڈرز نے شرکت کی۔

آئی ایس پی آر کا کہنا ہے کہ شرکاء کو پیشہ وارانہ امور، قومی سلامتی چیلنجز اور ان سے نمٹنے کے اقدامات پر بریفنگ دی گئی۔

پاک فوج کے ترجمان کا کہنا ہے کہ کانفرنس سے خطاب کرتے ہوئے آرمی چیف نے آپریشن ردالفساد کی پیش رفت پر اطمینان کا اظہار کیا اور کامیابیوں کو سراہا۔

آرمی چیف نے بدلتے ہوئے جیو اسٹریٹجک حالات میں آپریشنل تیاریوں کا اعلیٰ معیار برقرار رکھنے پر بھی زور دیا۔

آرمی چیف جنرل قمر جاوید باجوہ کا مزید کہنا ہے کہ پاک فوج بطور پروفیشنل ادارہ ہمیشہ اپنی ذمہ داریاں پوری کرےگی، پاکستان کی سلامتی ، سالمیت و سیکیورٹی کی ذمہ داری مقدس فریضے کے طور پر ہمیشہ پوری کریں گے۔