وزیراعلیٰ پنجاب نے اشیائے ضروریات کی قیمتوں میں کمی کے لئے جامع پلان طلب کر لیا

ویب ڈیسک

11th Jun, 2022. 09:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلیٰ پنجاب نے اشیائے ضروریات کی قیمتوں میں کمی کے لئے جامع پلان طلب کر لیا

وزیراعلیٰ پنجاب کی جانب سے عام آدمی کے لئے اشیائے ضروریات کی قیمتوں میں کمی اور استحکام کے لئے جامع پلان طلب کرلیا گیا ہے۔

تفصیلات کے مطابق صوبے پبھر میں سستے آٹے کی فراہمی کے بعد وزیراعلیٰ حمزہ شہباز شریف نے عام آدمی پر مہنگائی کا بوجھ مزید کم کرنے کے لئے حکمت عملی طلب کی ہے۔

انہوں نے ہدایت جاری کی ہے کہ ڈپٹی کمشنرز اور اسٹنٹ کمشنرز اپنے علاقوں میں پرائس کنٹرول کے لئے مسلسل فیلڈ وزٹ جاری رکھیں اور تمام فیلڈ وزٹ کی تصاویر اور وڈیوز وقت و تاریخ کے ساتھ ڈیش بورڈ پر اپ لوڈ کی جائیں۔۔

اس حوالے سے حمزہ شہباز کا کہنا ہے کہ ایسا میکنزم تشکیل دیا جائے، جس سے عام آدمی کو ضروری کچن آئٹمز مناسب نرخوں پر تسلسل کے ساتھ مل سکیں۔

انہوں نے کہا کہ میری کاوشوں کا محور عام آدمی کو ریلیف مہیا کرنا ہے جس کے لئے سرکاری مشینری کو مزید فعال ہونا پڑے گا۔

وزیراعلیٰ پنجاب حمزہ شہباز کی اشیاء ضروریہ کی سپلائی چین کو بھی مزید بہتر بنانے کی ہدایت

وزیر اعلی پنجاب حمزہ شہباز شریف کی زیر صدارت اجلاس میں صوبائی وزراء سردار اویس لغاری، عطاتارڑ، چیف سیکرٹری، سیکرٹری صنعت، سیکرٹری خوراک اور متعلقہ حکام نے اجلاس میں شرکت کی۔