پیپلز پارٹی کے رہنما رضا ربانی نے اسیر رکن قومی اسمبلی علی وزیر کے پروڈکشن آرڈرز جاری کرنے کا مطالبہ کردیا ہے۔
سابق چیئرمین سینیٹ رضا ربانی نے اپنے جاری کردہ بیان میں کہا کہ اسپیکر قومی اسمبلی علی وزیر کے پروڈکشن آرڈرز جاری کریں۔
انہوں نے کہا کہ علی وزیر کو موقع دیا جائے کہ وہ بجٹ اجلاس میں قومی اسمبلی میں اپنے حلقہ کے عوام کی نمائندگی کر سکیں۔
رضا ربانی نے کہا کہ پروڈکشن آرڈرز کے قواعد آئینی ضروریات کو پورا کرنے کے لیے بین الاقوامی ضروریات کی مطابقت میں متعارف کرائے گئے تھے۔
انکا کہنا ہے کہ پارلیمان کے چہرہ اور اختیار کو بے توقیر کیا گیا ہے، اشارہ کو اسی طرح اپنی تعمیر نو کرنا ہوگی جیسے روم راکھ سے نکل کر دوبارہ بہترین شہر بنا، پارلیمان اور اس کے سربراہ کا اختیار بحال کرنا ہوگا۔
Advertisement
سابق چیئرمین سینیٹ نے کہا کہ پیپلز پارٹی 1992 میں قومی اسمبلی میں متعارف کروائے گئے رول 108 اور سینٹ کے رول 84 کا ہمیشہ تحفظ کرتی رہی ہے۔
رضا ربانی نے مزید کہا کہ علی وزیر کو الزامات کے میرٹ کے جائزہ کے بغیر قومی اسمبلی میں اپنے حلقے کی نمائندگی کا موقع دیا جائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
