ایڈمنسٹریٹر کے ایم سی سندھ حکومت کے ترجمان بیرسٹر مرتضیٰ وہاب کا کہنا ہے کہ کراچی کے مختلف علاقوں میں ترجیحی بنیادوں پر ترقیاتی کام جاری ہیں۔

مشیر قانون سندھ بیرسٹر مرتضیٰ وہاب نے رات گئے جناح اسپتال سے متصل رفیقی سرور شھید روڈ کا دورہ کیا اور جناح اسپتال سے متصل روڈ پر جاری ترقیاتی کاموں اور روڈ کارپیٹنگ کا معائنہ کیا۔

دورے کے دوران ایڈمنسٹریٹر کراچی نے بننے والی سڑک کی اسر نو تعمیر کا جائزہ لیا اور حکام سے بریفنگ لی۔

Happy to share the progress of Rafiqui Sarwar Shaheed road where important hospitals like JPMC, NICVD, NICH & Kidney Centre are located. After clearing & relaying the sewerage & drainage lines, new road is being constructed with proper street lights #KarachiWorks pic.twitter.com/T3jHgotLCN

Advertisement

— Murtaza Wahab Siddiqui (@murtazawahab1) June 12, 2022

جناح اسپتال اور متصل علاقے کے رہائشیوں نے روڈ  کارپیٹنگ اور تزین و آرائش پر ایڈمنسٹریٹر کراچی کا شکریہ ادا کیا۔

اس موقع پر مرتضیٰ وہاب نے کہا کہ رفیقی شھید 3.2 کلو میٹر ڈبل روڈ کی کارپیٹنگ اور اسٹریٹ لائیٹ، سوریج لائین، فٹ پاتھ سمیت تمام تزین و آرائش کے ساتھ مکمل کیا جارہا ہے۔

ایڈمنسٹریٹر کراچی کا کہنا ہے کہ چئیرمین پیپلز پارٹی بلاول بھٹو کے خصوصی احکامات پر کراچی شہر کے مختلف علاقوں میں ترجیحی بنیادوں پر ترقیاتی کام جاری ہیں۔

مرتضیٰ وہاب نے مزید کہا کہ وزیراعلیٰ سندھ اور وزیر بلدیات کی خصوصی دلچسپی اور انہوں مواقع اور فنڈز جاری کئے جس کی بدولت شہر میں ترقی کا سفر جاری ہے۔

واضح رہے کہ ایڈمنسٹریٹر کراچی بیرسٹر مرتضیٰ وہاب کے ہمراہ پیپلز پارٹی ضلع جنوبی کے صدر خلیل ہوت، شکیل چوہدری اور دیگر حکام بھی موجود تھے۔