فنانشل ایکشن ٹاسک فورس کا اہم اجلاس، پاکستانی وفد جرمنی روانہ

ویب ڈیسک

14th Jun, 2022. 01:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فنانشل ایکشن ٹاسک فورس کا اہم اجلاس، پاکستانی وفد جرمنی روانہ

فنانشل ایکشن ٹاسک فورس کے اہم اجلاس میں شرکت کے لئے پاکستانی وفد جرمنی روانہ ہوگیا ہے۔

اس حوالے سے سفارتی ذرائع کا کہنا ہے کہ جرمنی میں فنانشل ایکشن ٹاسک فورس کا اہم اجلاس جاری ہے جس میں شرکت کے لئے وزیر مملکت برائے امور خارجہ حنا ربانی کھر کی زیرقیادت پاکستانی وفد جرمنی روانہ ہو گیا ہے۔

ذرائع کے مطابق وفد میں وزارت خارجہ، خزانہ، ایف بی آر اور دیگر متعلقہ وزارتوں کے سینئیر حکام شامل ہیں جو کہ آج رات برلن پہنچے گا۔

ذرائع کا کہنا ہے کہ فنانشل ایکشن ٹاسک فورس کا اجلاس برلن میں 13 جون سے جاری ہے جبکہ 15 اور 16 جون کو ایف اے ٹی ایف کے ہکینتی سیشن میں پاکستان کے گرے لسٹ میں رہنے یا نکالے جانے کے حوالے سے معاملات پر بحث ہوگی۔

ذرائع نے بتایا کہ 17 جون کو فنانشل ایکشن ٹاسک فورس کے پلینری سیشن میں کیے گئے فیصلوں کا اعلان متوقع ہے۔

خیال رہے کہ پاکستان نے ایف اے ٹی ایف کی 34 میں سے 32 شرائط پر عملدرآمد کے شواہد فراہم کر دیے ہیں جبکہ ایف اے ٹی ایف کے حالیہ اجلاس میں پاکستان کے گرے لسٹ سے نکل جانے کے قوی امکانات موجود ہیں۔