بالی ووڈ کے اداکار عامر خان کی فلم ’لگان‘ کو برطانیہ میں نئے انداز میں پیش کرنے کا فیصلہ کرلیا گیا۔
غیر ملکی خبررساں ادارے کے مطابق آسکرز اکیڈمی ایوارڈز کے لیے نامزد ہونے والی تیسری بھارتی فلم ’لگان‘ ایک بار پھر سے میڈیا کی توجہ کا مرکز بن گئی ہے۔
2001 میں بننے والی بلاک بسٹر بالی ووڈ فلم’ لگان‘ کو جلد ہی برطانیہ میں بطور براڈ وے شو پیش کیے جانے کا فیصلہ کیا گیا ہے۔
تاہم برطانیہ کے کئی معروف پروڈیوسرز نے عامر خان کی پروڈکشن کمپنی سے فلم’ لگان‘ کے کاپی رائٹس کے حصول کے لیے رابطہ کیا ہے۔
عامر خان کی ٹیم نے ابھی اس بارے میں کوئی حتمی فیصلہ نہیں کیا ہے۔
Advertisement
برطانوی پروڈیوسرز کے اس براڈوے شو کے لیے مختلف منصوبے ہیں جن میں اصل کاسٹ کے ہمراہ اس شو کا ورلڈ ٹور پر جانا بھی شامل ہے۔
واضح رہے کہ اس فلم میں عامر خان کے علاوہ گریسی سنگھ، کلبھوشن کھربندا، راجندر گپتا، رگھوبیر یادیو، راجیش وویک، پردیپ راوت اور برطانوی اداکار ریچل شیلی اور پال بلیک تھورن نے اداکاری کی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
