امیر جماعت اسلامی سینٹر سراج الحق  نے کہا ہے کہ ہمیں پاک فوج سے محبت ہے پاک فوج قوم کا سرمایہ ہے انکی قدر کو سمجھتے ہیں۔

تفصیلات  کے مطابق امیر جماعت اسلامی سینٹر سراج الحق نے  پارلیمنٹ میں میڈیا سے گفتگو کرتے ہوئے کہا کہ قانون سازی میں جلدبازی کرنا ملک و قوم کے مفاد میں نہیں، ہرقانون میں ذات اور پارٹی مفادت کی بجائے عوام اور ملک کے مفاد کو ترجیح دینی چاہیے۔

اپنے بیان میں امیر جماعت اسلامی سینٹر  نے کہا کہ حکومت بل لا رہی ہے ایوان میں اہم کام قانون سازی ہے جس کے بحث کی ضرورت ہے۔

امیر جماعت اسلامی سینٹر سراج الحق  نے مزید  کہا کہ   جماعت اسلامی جمہوری جماعت ہے ،تمام امور میں اپنی جماعت میں مشاورت کرتے ہیں اور ہم نے طے کیا ہے کہ ہم وفاقی حکومت کے اس بل کی حمایت نہیں کریں گے۔

جماعت اسلامی ایک پاکستان اور خوشحال پاکستان بنائے گی ، سراج الحق

واضح رہے اسے قبل امیر جماعت اسلامی سینٹر سراج الحق نے منصورہ میں کارکنوں سے خطاب کرتے ہوئے کہا تھا کہ پندرہ ماہ ناکامی کے ہیں، حکومت عوامی توقعات پر پورا نہیں اتری۔

 سراج الحق نے کہا تھا کہ نئے سال کے آغاز میں بھی پٹرول, سبزی اور دیگر اشیاء کی قیمتوں میں اضافہ کر رہی ہے کاش حکومت مہنگائی کی بجائے روپے کی قدر میں اضافہ کرتی۔

امیر جماعت اسلامی سینٹر نے یہ بھی کہا تھا کہ کراچی میں بجلی نہیں ہے نیب آرڈیننس میں ترمیم کی جارہی ہے، لوگ مر رہے ہیں مگر حکومت کہتی ہے گھبرانا نہیں ہے جبکہ حکومت نے کہا ہم این آر او نہیں دیں گے مگر مسلسل این آر او دئیے جارہے ہیں۔

سراج الحق کا کہنا تھا کہ آپ پرانا پاکستان ہی واپس کردیں نیا پاکستان سب نے چکھ لیا، پچاس لاکھ لوگوں کو گھر دینے کی بات ہوئی مگر لوگ تو گھروں سے ہی محروم ہوگئے۔

امیر جماعت اسلامی سینٹرکا یہ بھی کہنا تھا کہ اس حکومت میں ایک وی آئی پی کلاس ہے جس کے وارے نیارے ہیں، آج پشاور کے ایک بی آر ٹی پر سالوں گزر گئے کام مکمل نہیں ہورہا جبکہ خود حکومت کو لانے والے بھی پریشان ہیں۔